مسیحی برادری کے پاسٹر صاحبان کی محمد عبداللہ حمید گل کے ساتھ خصوصی نشست

خصوصی نشست کا اہتمام

اسلام آباد (ڈیلی پاکستان آن لائن) وفاقی دارالحکومت اسلام آباد میں مسیحی برادری کے معزز پاسٹر صاحبان نے چیئرمین تحریکِ جوانانِ پاکستان محمد عبداللہ حمید گل کے ساتھ ایسٹر کے خوشگوار موقع پر خصوصی نشست کا اہتمام کیا۔

یہ بھی پڑھیں: پاکستان کی امریکا سے سالانہ درآمدات میں اضافہ

مذہبی ہم آہنگی اور قومی یکجہتی

اس نشست میں مذہبی ہم آہنگی، قومی یکجہتی اور پاکستان کی ترقی میں مسیحی برادری کے کردار پر تفصیلی تبادلۂ خیال کیا گیا۔ نشست کے اختتام پر ایسٹر کیک کاٹنے کی تقریب بھی ہوئی۔

یہ بھی پڑھیں: ڈینگی کا پھیلاؤ روکنے کے لیے مچھروں کو بہرہ کرنے کا منصوبہ

چیئرمین کا خطاب

چیئرمین تحریکِ جوانانِ پاکستان محمد عبداللہ حمید گل نے اپنے خطاب میں کہا کہ ’’مسیحی برادری نے ہر شعبۂ زندگی میں بہترین کردار ادا کیا ہے۔ تعلیم، صحت، قانون، تجارت، فنونِ لطیفہ اور دفاعِ وطن — ہر جگہ مسیحی نوجوانوں اور بزرگوں نے اپنی صلاحیتوں کا لوہا منوایا ہے۔ ان کی حبِ وطنی مثالی ہے۔ یہ برادری نہ صرف پاکستان کی ترقی میں پیش پیش رہی ہے بلکہ مشکل حالات میں بھی وطن کی خدمت میں پیش پیش رہی ہے۔‘‘

یہ بھی پڑھیں: پاکستانیوں کے لیے یورپ کے دروازے کھل گئے، ہزاروں ملازمتوں کے مواقع

پاسٹر صاحبان کا شکریہ

پاسٹر صاحبان نے محمد عبداللہ حمید گل کا شکریہ ادا کرتے ہوئے کہا کہ یہ خصوصی نشست قومی اتحاد کی بہترین مثال ہے۔ ایسٹر مسیحی برادری کے لیے محبت، امید اور نئی شروعات کا پیغام ہے۔