آج سے 4 اپریل تک ملک کے بیشتر حصوں میں آندھی اور گرج چمک کیساتھ بارش کی پیشگوئی

ملک میں آندھی اور بارش کی پیشگوئی

لاہور (ویب ڈیسک) آج سے 4 اپریل تک ملک کے بیشتر حصوں میں آندھی اور گرج چمک کے ساتھ بارش کی پیشگوئی کی گئی ہے۔

یہ بھی پڑھیں: ستاروں کی روشنی میں آپ کا آج (ہفتے) کا دن کیسا رہے گا ؟

کراچی میں بارش کی توقع

محکمہ موسمیات کے مطابق کراچی میں بھی آج رات سے تین اپریل کے دوران بارش متوقع ہے اور کچھ علاقوں میں 50 ملی میٹر یا زیادہ بارش ہوسکتی ہے۔

یہ بھی پڑھیں: گورنر خیبر پختونخوا فیصل کریم کنڈی کے اعزاز میں ظہرانہ

لاہور میں بارش کی صورتحال

دوسری جانب لاہور میں بادل کھل کر برسے اور نشتر ٹاؤن میں سب سے زیادہ 50 ملی میٹر بارش ریکارڈ کی گئی۔

یہ بھی پڑھیں: امریکہ نے دہشتگردی کیخلاف جنگ میں پاکستان کو اہم شراکت دار قرار دیدیا

موسمی اثرات اور نقصانات

اس کے علاوہ گلبرگ، جیل روڈ، گجومتہ اور رائیونڈ سمیت مختلف علاقوں میں اولے بھی پڑے جب کہ موسلادھار بارش، آندھی اور ژالہ باری سے موسم خوشگوار ہوگیا مگر بجلی کا نظام درہم برہم ہو گیا۔

لیسکو ریجن میں 170 سے زائد فیڈر ٹرپ کر گئے، کوٹ رادھا کشن میں دیواریں گرنے سے 2 بچے جاں بحق اور 5 زخمی ہوگئے۔

یہ بھی پڑھیں: انگور، انار، سیب اور ٹماٹر سستے کرنے کے لئے پاکستان اور افغانستان میں تجارتی معاہدے پر دستخط

بلوچستان میں بارش اور طغیانی

ادھر بلوچستان کے ضلع زیارت، دکی، ہرنائی، قلعہ سیف اللہ اور لورالائی سمیت مختلف علاقوں میں بارش اور ژالہ باری سے ندی نالوں میں طغیانی آ گئی۔

وادی نیلم میں لینڈ سلائیڈنگ

وادی نیلم میں لینڈ سلائیڈنگ کے باعث شاہراہ نیلم کیل سیری کے مقام سے بند کردی گئی۔