آج سے 4 اپریل تک ملک کے بیشتر حصوں میں آندھی اور گرج چمک کیساتھ بارش کی پیشگوئی

ملک میں آندھی اور بارش کی پیشگوئی

لاہور (ویب ڈیسک) آج سے 4 اپریل تک ملک کے بیشتر حصوں میں آندھی اور گرج چمک کے ساتھ بارش کی پیشگوئی کی گئی ہے۔

یہ بھی پڑھیں: بھارت کی پاکستان میں دہشت گرد سرگرمیوں اور بیرونِ ملک کارروائیوں پر جوابدہی کی جائے: پاکستان

کراچی میں بارش کی توقع

محکمہ موسمیات کے مطابق کراچی میں بھی آج رات سے تین اپریل کے دوران بارش متوقع ہے اور کچھ علاقوں میں 50 ملی میٹر یا زیادہ بارش ہوسکتی ہے۔

یہ بھی پڑھیں: غزہ پر اسرائیلی فوج کے وحشیانہ حملے، مزید 68 فلسطینی شہید ہوگئے

لاہور میں بارش کی صورتحال

دوسری جانب لاہور میں بادل کھل کر برسے اور نشتر ٹاؤن میں سب سے زیادہ 50 ملی میٹر بارش ریکارڈ کی گئی۔

یہ بھی پڑھیں: دنیا کی سب سے اصول پسند فوج میں انکار کی لہر: وہ اسرائیلی فوجی جو اب غزہ میں لڑنے کے خواستگار نہیں ہیں

موسمی اثرات اور نقصانات

اس کے علاوہ گلبرگ، جیل روڈ، گجومتہ اور رائیونڈ سمیت مختلف علاقوں میں اولے بھی پڑے جب کہ موسلادھار بارش، آندھی اور ژالہ باری سے موسم خوشگوار ہوگیا مگر بجلی کا نظام درہم برہم ہو گیا۔

لیسکو ریجن میں 170 سے زائد فیڈر ٹرپ کر گئے، کوٹ رادھا کشن میں دیواریں گرنے سے 2 بچے جاں بحق اور 5 زخمی ہوگئے۔

یہ بھی پڑھیں: ہمارے بزرگ پاکستان آئے تو نا جانے کیوں انھوں نے اس علاقے کو مستقل آباد کاری اور قیام کے لیے منتخب کیا جہاں پانی کے لیے کئی کئی میل پیدل چلنا پڑتا

بلوچستان میں بارش اور طغیانی

ادھر بلوچستان کے ضلع زیارت، دکی، ہرنائی، قلعہ سیف اللہ اور لورالائی سمیت مختلف علاقوں میں بارش اور ژالہ باری سے ندی نالوں میں طغیانی آ گئی۔

وادی نیلم میں لینڈ سلائیڈنگ

وادی نیلم میں لینڈ سلائیڈنگ کے باعث شاہراہ نیلم کیل سیری کے مقام سے بند کردی گئی۔