ایک سال کے دوران 65 لاکھ فحش مواد کی ڈومینز کو بلاک کیاگیا، پی ٹی اے اور این سی سی آئی اے نے رپورٹ قومی اسمبلی میں پیش کردی

پاکستان میں سوشل میڈیا پر توہین آمیز فحش مواد کے خلاف کارروائیاں

اسلام آباد (ڈیلی پاکستان آن لائن) پاکستان ٹیلی کمیونیکیشن اتھارٹی (پی ٹی اے) اور وفاقی تحقیقاتی ادارے نیشنل سائبر کرائم انویسٹی گیشن ایجنسی (این سی سی آئی اے) نے ٹک ٹاک اور سوشل میڈیا پلیٹ فارمز پر توہین آمیز فحش مواد سے متعلق رپورٹ قومی اسمبلی میں پیش کردی۔

یہ بھی پڑھیں: چینی ساختہ پی ایل 15 میزائل سے متعلق بھارتی انٹیلی جنس کی ناکامی بھارتی طیارے رافیل کے گرنے کا سبب بنی، برطانوی خبر رساں ایجنسی کی رپورٹ

رپورٹ کے اہم نکات

رپورٹ میں کہا گیا ہے کہ سوشل میڈیا ٹک ٹاک پر توہین آمیز فحش مواد کی روک تھام کے لیے اقدامات جاری ہیں۔ گزشتہ سال سائبر ہراسگی پر 545، نفرت انگیز تقریروں پر 322، جعلی معلومات دینے پر 187، بچوں سے زیادتی پر 58 مقدمات کا اندراج کیا گیا۔ 360 خواتین اور 110 مرد سائبر ہراسمنٹ کا شکار ہوئے جبکہ نفرت انگیز تقاریر پر 42 خواتین اور 273 مرد متاثر ہوئے۔ اسی کے ساتھ غلط معلومات کی فراہمی سے 21 خواتین اور 180 مرد متاثر ہوئے۔

یہ بھی پڑھیں: پنجاب میں صحت کے بجٹ پر 3 ارب 90 کروڑ روپے کا بڑا کٹ لگا دیا گیا

این سی سی آئی اے کی رپورٹ

این سی سی آئی اے نے رپورٹ میں بتایا کہ توہین آمیز مواد پر 600 سے زائد یو آر ایلز بلاک کیے گئے، جبکہ 435 شکایات درج کی گئی جن میں سے 98 کی انکوائریز اور 42 مقدمات درج ہوئے۔ توہین آمیز فحش مواد پر 73 افراد کو گرفتار کیا گیا اور عدالتوں میں 3 افراد کو سزائیں دی۔

پی ٹی اے کی کاروائیاں

پی ٹی اے نے بتایا کہ ایک سال کے دوران 15 لاکھ غیر قانونی یو آر ایلز کے خلاف کارروائی کی، اور 65 لاکھ فحش مواد کی ڈومینز کوڈبلیو ایم ایس کے ذریعے بلاک کیا۔ ایچ ٹی ٹی پی ایس ویب سائٹس کو مکمل بلاک کرنے کے لیے ڈبلیو ایم ایس سسٹم فعال کردیا گیا ہے۔