ایسٹر کے لیے مربوط سیکیورٹی پلان تیار، فیلڈ افسران کو بذات خود سیکیورٹی مانیٹر کرنے کی ہدایات جاری

ایسٹر 2026 کیلئے سیکیورٹی منصوبہ

لاہور (ڈیلی پاکستان آن لائن) ایسٹر کیلئے مربوط سکیورٹی پلان تیار، فیلڈ افسران کو بذات خود سیکیورٹی مانیٹر کرنے کی ہدایات جاری کر دی گئیں۔

یہ بھی پڑھیں: ڈیڈ لائن گزرگئی، امریکا میں رجسٹریشن کے بغیر مقیم غیر ملکیوں پر نیا عتاب، قانونی کارروائی کی جائے گی

وزارت داخلہ کا اجلاس

تفصیلات کے مطابق ایسٹر 2026 کے پر امن انعقاد کے حوالے سے محکمہ داخلہ پنجاب میں اعلیٰ سطحی اجلاس ہوا۔ اجلاس کی صدارت چیئرمین کابینہ کمیٹی برائے امن و امان خواجہ سلمان رفیق نے کی، جس میں کو چیئرمین بلال یاسین اور صوبائی وزیر اقلیتی امور سردار رمیش سنگھ اروڑہ نے مشترکہ طور پر شرکت کی۔ پارلیمانی سیکرٹری برائے اقلیتی امور سونیہ عاشر نے بھی اجلاس میں شرکت کی۔

یہ بھی پڑھیں: ڈولفن پولیس نے اے ٹی ایم کامین لاک کھولنے کی کوشش کرنے والے ملزم کو رنگے ہاتھوں گرفتار کرلیا

اجلاس میں شرکت کرنے والے اہم شخصیات

اجلاس میں سیکرٹری داخلہ ڈاکٹر احمد جاوید قاضی، سیکرٹری انسانی حقوق و اقلیتی امور، سیکرٹری سپیشل سیکرٹری فضل الرحمان، ایڈیشنل آئی جی آپریشنز، ایڈیشنل سیکرٹری انٹرنل سیکیورٹی، محکمہ صحت، ویسٹ مینجمنٹ، ریسکیو و قانون نافذ کرنے والے اداروں کے نمائندگان نے شرکت کی اور بریفنگ دی۔

یہ بھی پڑھیں: اسلام آباد، راولپنڈی اور لاہور میں پیٹرولیم مصنوعات کی قلت کا خدشہ

سیکیورٹی پلان کی تفصیلات

اجلاس کے دوران ایسٹر 2026 کے سیکیورٹی پلان اور صوبہ بھر میں انتظامات کا تفصیلی جائزہ لیا گیا۔ چیئرمین کابینہ کمیٹی برائے امن و امان خواجہ سلمان رفیق نے کہا کہ وزیراعلیٰ پنجاب کی ہدایت پر ایسٹر کیلئے مربوط سکیورٹی پلان ترتیب دیا گیا ہے۔ صوبہ بھر میں امن و امان کی فضاء برقرار رکھنا اولین ترجیح ہے۔

یہ بھی پڑھیں: ماہرہ خان کی اصل عمر کیا ہے؟ اداکارہ نے راز افشا کردیا

مقامی قیادت کے ساتھ تعاون

فیلڈ افسران کو بذات خود سیکیورٹی مانیٹر کرنے کی ہدایت کی گئی ہے۔ ایسٹر کے حوالے سے مقامی لیڈرشپ کے ساتھ کلوز کوآرڈینیشن کی ہدایت کی گئی ہے۔ کو چیئرمین بلال یاسین نے کہا کہ سیکیورٹی انتظامات کے ساتھ ساتھ پارکس میں سہولیات اور گراں فروشی کے خلاف اقدامات یقینی بنائے جائیں۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا؟

معاونت اور تعاون کی ضرورت

ضلعی انتظامیہ، اقلیتی برادری کے نمائندگان اور مقامی سیاسی قیادت کی معاونت سے انتظامات کو حتمی شکل دی جائے گی۔ مسیحی برادری کا ملکی ترقی میں اہم کردار، ہر ممکن سہولیات کی فراہمی اولین ترجیح ہے۔

یہ بھی پڑھیں: پاکستان دنیا کے لیے کرپٹو ریگولیشن کا مؤثر ماڈل بن سکتا ہے: بلال بن ثاقب

اقلیتی امور کے صوبائی وزیر کا بیان

صوبائی وزیر اقلیتی امور سردار رمیش سنگھ اروڑہ نے کہا کہ وزیراعلیٰ پنجاب اقلیتیوں سے ہمیشہ عزت و احترام سے پیش آتی ہیں۔ ایسٹر 2026 کے حوالے سے تمام ادارے آپس میں کوارڈینیشن میں رہیں۔

فول پروف سیکیورٹی انتظامات

سیکرٹری داخلہ ڈاکٹر احمد جاوید قاضی نے بتایا کہ ایسٹر 2026 پر فول پروف سیکیورٹی انتظامات کیلئے تمام ضروری گائیڈ لائنز فیلڈ سے شئیر کی گئیں۔ انہوں نے بتایا کہ ایسٹر کی تمام تقریبات کی باقاعدہ مانیٹرنگ کی جائے گی۔ ویڈیو لنک کے ذریعے تمام کمشنرز، ڈپٹی کمشنرز، آر پی اوز، ڈی پی اوز و دیگر محکموں کے ذمہ داران نے بھی اجلاس کو اپنے متعلقہ علاقوں اور ذمہ داریوں کے حوالے سے بریفنگ دی۔