پٹرول اور ڈیزل کی قیمتوں میں اضافہ کسی ایک ملک کا فیصلہ نہیں بلکہ اسرائیل کے جنگی جنون، مسلم دشمنی اور جارحانہ عزائم کا نتیجہ ہے، خواجہ محمد آصف

وزیر دفاع کا بیان

اسلام آباد (ڈیلی پاکستان آن لائن) وزیر دفاع خواجہ محمد آصف کا کہنا ہے کہ پٹرول اور ڈیزل کی قیمتوں میں اضافہ کسی ایک ملک کا فیصلہ نہیں بلکہ اسرائیل کے جنگی جنون، مسلم دشمنی اور جارحانہ عزائم کا نتیجہ ہے۔

یہ بھی پڑھیں: اداکارہ عائزہ خان نے تعلیم حاصل کرنے کے لیے لندن میں داخلہ لے لیا

مسلم ممالک پر اثرات

اپنے ایکس بیان میں انہوں نے کہا کہ جن مسلم ممالک سے پٹرول نکلتا ہے یا جس کی حدود سے گزر کر دنیا تک پہنچتا ہے، اسرائیل کے مسلمانوں کی نسل کشی کے جنون سے سب شدید متاثر ہو رہے ہیں۔ دنیا کے کئی ممالک میں ایندھن کی قلت اور ہنگامی صورتحال ہے۔

یہ بھی پڑھیں: ججز ٹرانسفر کیس: 14 ججز کو چھوڑ کر 15ویں نمبر والے جج کو کیوں ٹرانسفر کیا گیا؟ جسٹس نعیم اختر افغان نے سوال اٹھا دیا۔

پاکستان میں چیلنجز

پاکستان میں سپلائی برقرار رکھنا ایک بڑا چیلنج تھا جسے حکومت نے کامیابی سے سنبھالا اور قلت سے بچایا۔ لیکن اب ایک متوازن راستہ اپنانا ضروری تھا تاکہ ملک کو بڑے معاشی بحران سے بچایا جا سکے۔ قیمت میں اضافہ شدید معاشی دباؤ کی وجہ سے کیا گیا۔ ہمیں عوام کی مشکلات کا شدید احساس ہے۔

یہ بھی پڑھیں: بارسلونا میں عمران خان کی کال پر احتجاجی مظاہرہ

مالی وسائل کا انتظام

وفاق اور صوبوں نے تمام ترقیاتی اخراجات اور فوری ضرورت کے علاوہ اخراجات کو موخر کرکے مالی وسائل تیل کی قیمتوں کی سپورٹ میں ڈالے ہیں۔ جیسے ہی حالات بہتر ہوں گے، عوام کو فوری ریلیف دیا جائے گا۔

ٹویٹر پر بیان

پٹرول و ڈیزل کی قیمتوں میں اضافہ کسی ایک ملک کا فیصلہ نہیں بلکہ اسرائیلی کے جنگی جنون، مسلم دشمنی اور جارحانہ عزائم کا نتیجہ ہے۔ جن مسلم ممالک سے پٹرول نکلتا ہے، یا جس کی حدود سے گزر کر دنیا تک پہنچتا ہے، اسرائیلی کے مسلمانوں کی نسل کشی کے جنون سے سب شدید متاثر ہو رہے ہیں۔…

— Khawaja M. Asif (@KhawajaMAsif) April 3, 2026