صدرِ مملکت کا پاکستان پیپلز پارٹی کے سینئر رہنما رئیس غلام قادر مری کے انتقال پر اظہار افسوس
صدرِ مملکت کا پیغام
اسلام آباد (ڈیلی پاکستان آن لائن) صدرِ مملکت آصف علی زرداری نے پاکستان پیپلز پارٹی کے سینئر رہنما رئیس غلام قادر مری کے انتقال پر گہرے دکھ اور افسوس کا اظہار کیا ہے۔
یہ بھی پڑھیں: بیٹیوں ماؤں کے مقابلے میں باپ سے زیادہ گہرا رشتہ کیوں بناتی ہیں؟
رئیس غلام قادر مری کی خدمات
ایوانِ صدر کے پریس وِنگ کے مطابق صدرِ مملکت نے مرحوم کی جماعت اور جمہوری جدوجہد کے لئے خدمات کو خراجِ تحسین پیش کرتے ہوئے کہا کہ رئیس غلام قادر مری نے عوامی خدمت اور پارٹی کے استحکام کے لیے قابلِ قدر کردار ادا کیا۔
یہ بھی پڑھیں: ندا صالح اورنج لائن میٹرو ٹرین کی پہلی خاتون ڈرائیور بن گئیں، مریم نواز کا اظہار مسرت
غم میں شریک ہونے کا اظہار
انہوں نے سوگوار خاندان سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں لواحقین کے غم میں برابر کے شریک ہیں۔
دعائیں اور مغفرت
صدرِ مملکت نے اللّہ تعالیٰ سے مرحوم کے درجات کی بلندی، مغفرت اور پسماندگان کے لیے صبرِ جمیل کی دعا بھی کی۔
