پاکستان میں غریب اور سفید پوش طبقے کے خلاف پورا نظام سازش میں ملوث ہے،سلمان اکرم راجا

سیاسی تجزیہ

لاہور (ڈیلی پاکستان آن لائن) پی ٹی آئی رہنما سلمان اکرم راجا کا کہنا ہے پاکستان میں غریب اور سفید پوش طبقے کے خلاف پورا نظام سازش میں ملوث ہے۔

یہ بھی پڑھیں: صاحبزادہ حامد رضا کا پی ٹی آئی کور کمیٹی سے استعفیٰ ، اسمبلی رکنیت بھی چھوڑنے کا فیصلہ

معاشی مسائل

اپنے ایکس بیان میں انہوں نے کہا کہ مہنگائی اور بیروزگاری کے پیچھے ایک غیرمنصفانہ معیشت ہے۔ پٹرول اور ڈیزل پر بلاواسطہ ٹیکسوں کی بھرمار ہے جو بالادست طبقوں کی عیاشی کو پورا کرتے ہیں۔

حکومتی اقدامات

سلمان اکرم راجا نے کہا کہ فارم 47 کے تحت حکومت نے پٹرول کی قیمت میں غیرمنصفانہ اضافہ کر کے معیشت پر حملہ کیا۔ پاکستان تحریک انصاف کے دباؤ کی تاب نہ لاتے ہوئے اضافہ جزوی طور پر کم ہوا مگر اب بھی پٹرول اور ڈیزل کی قیمت دنیا کی بلند ترین سطح پر ہے۔ پورا نظام غریب دشمن ہے۔