علی ظفر سے کیس ہارنے والی میشا شفیع کا ردعمل بھی سامنے آگیا

میشا شفیع کا سوشل میڈیا پر ردعمل

لاہور(ڈیلی پاکستان آن لائن) معروف گلوکارہ میشا شفیع نے ہتکِ عزت کے مقدمے میں عدالت کے فیصلے کے بعد سوشل میڈیا پر ردِعمل دے دیا۔

یہ بھی پڑھیں: بھارتی ریاست منی پور کے دارالحکومت اِمپھال میں ایک بار پھر احتجاج شروع

خودمختاری اور حوصلے کے پیغامات

نجی ٹی وی چینل ایکسپریس نیوز کے مطابق میشا شفیع نے انسٹاگرام سٹوریز کے ذریعے خواتین کے حوصلے اور خودمختاری سے متعلق پیغامات اور شاعری شیئر کی، جس سے ظاہر ہوتا ہے کہ وہ اس مرحلے کو ایک ذاتی آزمائش سمجھتے ہوئے اب اپنی توجہ خود کو سنبھالنے اور آگے بڑھنے پر مرکوز کر رہی ہیں۔

یہ بھی پڑھیں: لاہور کی وہ سوسائٹی جس کے اندر سے رنگ روڈ گزرے گا، ویڈیو

شفا کے سفر کی جانب قدم

میشا شفیع کے مطابق وہ اس تجربے سے گزر چکی ہیں اور اب شفا کے سفر کی جانب بڑھ رہی ہیں۔ ان کا کہنا تھا کہ سچ بولنا ہی ان کی اصل کامیابی ہے اور وہ اپنے کام کے ذریعے خود کو مزید مضبوط بنائیں گی۔

یہ بھی پڑھیں: وفاقی حکومت کی کینال منصوبہ ختم کرنےکی پیشکش لیکن پیپلزپارٹی نے کیا جواب دیا؟ تہلکہ خیز دعویٰ

طویل قانونی جنگ کا پس منظر

واضح رہے کہ یہ تنازع تقریباً آٹھ سال قبل اس وقت شروع ہوا جب انہوں نے علی ظفر پر ہراسانی کے الزامات عائد کیے تھے، جس کے بعد دونوں کے درمیان طویل قانونی جنگ جاری رہی۔

عدالتی فیصلے کی تفصیلات

حالیہ عدالتی فیصلے میں علی ظفر کے حق میں فیصلہ آیا ہے، جبکہ میشا شفیع کو ہرجانے کے طور پر 50 لاکھ روپے ادا کرنے کا حکم دیا گیا ہے。