امریکی صدر نے ایف 15 کے پائلٹ کو ریسکیو کرنے کی کہانی سنا دی

امریکی صدر کا بیان

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے دعویٰ کیا ہے کہ امریکی افواج نے ایران کے پہاڑی علاقے کے اندر ایک نہایت خطرناک اور غیر معمولی آپریشن کے دوران زخمی ایف5 طیارے کے پائلٹ کو کامیابی سے ریسکیو کر لیا ہے۔ صدر ٹرمپ کے مطابق یہ افسر ایک انتہائی بہادر اور قابلِ احترام کرنل ہیں، جنہیں ایرانی فوج کی موجودگی اور تلاش کے باوجود محفوظ نکال لیا گیا۔

یہ بھی پڑھیں: اسمگل شدہ گاڑیوں کو قانونی حیثیت دینے کا بڑا اسکینڈل

خطرناک آپریشن کی تفصیلات

صدر ٹرمپ نے کہا کہ یہ مشن انتہائی خطرناک تھا کیونکہ اس نوعیت کی کارروائیاں عموماً “انسانی جان اور فوجی سازوسامان” کے شدید خطرے کی وجہ سے کم ہی کی جاتی ہیں۔ ان کے مطابق ایرانی فوج بڑی تعداد میں اس علاقے میں موجود تھی اور ریسکیو ٹیم کے قریب پہنچ رہی تھی، تاہم اس کے باوجود امریکی افواج نے کامیابی سے آپریشن مکمل کیا۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا ؟

ریسکیو آپریشن کے مراحل

انہوں نے مزید بتایا کہ یہ ریسکیو آپریشن دو مراحل پر مشتمل تھا۔ پہلے مرحلے میں پائلٹ کو دن کی روشنی میں نکالا گیا، جو کہ غیر معمولی اقدام ہے، اور اس دوران امریکی طیارے تقریباً سات گھنٹے تک ایرانی فضائی حدود میں موجود رہے۔ دوسرے مرحلے میں زخمی افسر کو بحفاظت منتقل کیا گیا۔

یہ بھی پڑھیں: ذہنی مریض کے ایک ٹویٹ کو افغان اور بھارتی میڈیا نے منٹوں میں وائرل کیا: ڈی جی آئی ایس پی آر

امریکی فوج کی قابلیت

صدر ٹرمپ نے اس کارروائی کو امریکی فوج کی جرات، مہارت اور پیشہ ورانہ صلاحیت کا “حیران کن مظاہرہ” قرار دیا اور کہا کہ وہ پیر کے روز دوپہر ایک بجے اوول آفس میں فوجی قیادت کے ہمراہ اس معاملے پر پریس کانفرنس کریں گے۔ انہوں نے اپنے بیان کے اختتام پر امریکی فوجی اہلکاروں کو خراجِ تحسین پیش کرتے ہوئے کہا کہ خدا ان کے عظیم فوجی جوانوں کو سلامت رکھے۔

یو ایس ایف 15 طیارے کی تباہی

واضح رہے کہ امریکہ کا ایف 15 طیارہ ایران نے تباہ کردیا تھا جس کا ایک ونگ مین لاپتا تھا۔ اسے ڈھونڈنے کیلئے ایران اور امریکہ دونوں کی جانب سے کوششیں کی جا رہی تھیں۔