اپنی بیوی سے علیحدگی کی افواہوں پر کرکٹر امام الحق کا رد عمل سامنے آگیا

امام الحق کی وضاحت

لاہور(ڈیلی پاکستان آن لائن) قومی کرکٹ ٹیم کے اوپنر امام الحق نے اپنی حالیہ سوشل میڈیا پوسٹ کے بعد پیدا ہونے والی غلط فہمیوں کو دور کرتے ہوئے واضح کیا ہے کہ ان کی ازدواجی زندگی میں سب کچھ ٹھیک ہے اور مداحوں کو افواہیں پھیلانے سے گریز کرنا چاہیے۔

یہ بھی پڑھیں: لاہور: 18 سال سے کم عمر افراد کیلئے ڈرائیونگ پرمٹ کا اجرا یکم مارچ سے شروع ہوگا

سوشل میڈیا پر قیاس آرائیاں

گزشتہ روز امام الحق نے انسٹاگرام پر ایک اسٹوری شیئر کی تھی جس میں انہوں نے لکھا تھا کہ "آج کل کی نسل میں شادی کرنا واقعی خوفناک ہے،، اس پوسٹ کے بعد سوشل میڈیا پر ان کی اپنی شادی شدہ زندگی کے حوالے سے قیاس آرائیاں شروع ہو گئی تھیں۔

یہ بھی پڑھیں: یہ کم ظرف شخص جھوٹ بول رہا ہے

افواہوں کا یکسر انکار

اپنی تازہ ترین پوسٹ میں امام الحق نے ان افواہوں کو یکسر مسترد کرتے ہوئے کہا "آپ سب نے اس پوسٹ کو ضرورت سے زیادہ سنجیدہ لے لیا۔ میں واضح کرنا چاہتا ہوں کہ میری وہ پوسٹ سوشل میڈیا پر نظر آنے والے عمومی حالات کے بارے میں ایک مشاہدہ تھا اس کا میری اپنی شادی سے کوئی تعلق نہیں ہے۔" انہوں نے مزید کہا کہ "الحمدللہ، میری طرف سے سب کچھ بالکل ٹھیک ہے۔ براہِ کرم اگلی بار تصدیق کے بغیر قیاس آرائیاں کرنے یا افواہیں پھیلانے سے گریز کریں۔"

تصویر