وزیراعلیٰ مریم نواز نے نواز شریف انسٹیٹیوٹ آف کینسر ٹریٹمنٹ اینڈ ریسرچ کی جلد از جلد تکمیل کا ہدف دیدیا

وزیراعلیٰ پنجاب کا ورچوئل دورہ

لاہور( ڈیلی پاکستان آن لائن) وزیراعلیٰ پنجاب مریم نواز نے نواز شریف انسٹیٹیوٹ آف کینسر ٹریٹمنٹ اینڈ ریسرچ کا ورچوئل دورہ کیا۔ وزیراعلیٰ نے این ایس آئی سی ٹی اینڈ آر کے مختلف شعبوں کا ڈیجیٹل ٹور کیا۔ وزیراعلیٰ نے کینسر ہسپتال کے مختلف شعبوں کا جائزہ لیا۔

یہ بھی پڑھیں: معروف ٹاک ٹاکر کھابے لامے کو امریکہ میں حراست میں کیوں لیا گیا؟

ہسپتال کے شعبوں کا معائنہ

وزیراعلیٰ مریم نواز نے مرکزی داخلی ہال، ریڈیالوجی، میمو گرافی سوئٹ، سی ٹی سکین روم کا جائزہ لیا۔ وزیراعلیٰ ریڈیالوجی تھراپی، ٹریٹمنٹ پلاننگ روم، سیمولیٹر، سیمینار کا بھی معائنہ کیا۔ وزیراعلیٰ نے مریضوں کے لئے سٹیٹ آف دی آرٹ سیٹنگ روم اور اے ایچ یو روم کا بھی معائنہ کیا۔

یہ بھی پڑھیں: سائیبر پٹرولنگ سیل سے 1600 سے زائد منافرت پھیلانے والے اکاؤنٹ رپورٹ، 170 افراد گرفتار

تعمیراتی کام کی رفتار بڑھانے کی ہدایت

وزیر اعلیٰ نے نواز شریف انسٹیٹیوٹ آف کینسر ٹریٹمنٹ اینڈ ریسرچ کی جلد از جلد تکمیل کا ہدف مقرر کردیا۔ وزیراعلیٰ نے 3 شفٹ میں تعمیراتی کام مکمل کرنے کی ہدایت کی۔ این ایس آئی سی ٹی اینڈ آر کے لئے 219 آسامیاں مشتہر، 32 امیدوار منتخب ہوگئے۔ این ایس آئی سی ٹی اینڈ آر میں 415 اسامیوں کی منظوری دے دی، اگلے ہفتے اشتہار دیا جائے گا۔

بہترین پروفیشنلز کی تعیناتی

وزیراعلیٰ مریم نواز نے ہسپتال کے ڈین، ڈائریکٹر اور دیگر اسامیوں پر بہترین پروفیشنلز تعینات کرنے کا حکم دیا ہے۔