وزیر اعظم کا متحدہ عرب امارات کی خورفکان بندرگاہ میں شہریوں کے زخمی ہونے پر اظہار تشویش
وزیر اعظم کی تشویش
اسلام آباد (ڈیلی پاکستان آن لائن) وزیر اعظم محمد شہباز شریف نے متحدہ عرب امارات کی خورفکان بندرگاہ میں پیش آنے والے واقعے پر گہری تشویش کا اظہار کیا ہے جس میں ایک روکے گئے حملے کے نتیجے میں شہری زخمی ہوئے جن میں پاکستانی شہری بھی شامل ہیں۔
یہ بھی پڑھیں: لاہور سے شیخوپورہ کے لیے 2 ڈبل ڈیکر بسوں کا آغاز
زخمیوں کی صحت یابی کے لیے دعا
وزیر اعظم نے ’’ایکس‘‘ پر جاری بیان میں اس واقعہ میں زخمی ہونے والوں کی جلد صحت یابی کے لیے دعا کی۔ وزیر اعظم نے کہا کہ حکومت پاکستانی شہریوں کو ہر ممکن مدد فراہم کرنے کے لیے متحدہ عرب امارات کے حکام کے ساتھ مسلسل رابطے میں ہے۔
امارات کے عوام سے یکجہتی
انہوں نے اس واقعہ پر پاکستان کی طرف سے متحدہ عرب امارات کے برادر عوام کے ساتھ یکجہتی کا اظہار کرتے ہوئے خطے میں تحمل، کشیدگی میں کمی اور صورتِ حال کو مزید بگڑنے سے روکنے کی ضرورت پر زور دیا۔
