امریکہ، ایران کے خلاف جنگ پر 37 دنوں میں کتنے بلین ڈالرز خرچ کر چکا ہے۔؟ اہم تفصیلات سامنے آگئیں

نیویارک (مانیٹرنگ ڈیسک)

جنگ پر امریکہ کے اخراجات

امریکہ، ایران کے خلاف جنگ پر 37 دنوں میں کتنے بلین ڈالرز خرچ کر چکا ہے؟ اہم تفصیلات سامنے آئی ہیں۔

تفصیلات

تفصیلات کے مطابق امریکہ ایران کے خلاف جنگ پر 37 دنوں میں 42.1 بلین ڈالرز خرچ کر چکا ہے۔ ’’اے پی پی ‘‘ کے مطابق تاس نے ’’ایران وار کاسٹ ٹریکر پورٹل‘‘ کے حوالے سے بتایا ہے کہ ایران جنگ پر اخراجات کے حوالے سے پورٹل کی حقیقی وقت کی ٹریکنگ 10 مارچ کو امریکی کانگریس کے لیے پینٹاگون کی بریفنگ پر مبنی ہے۔ بریفنگ میں کہا گیا ہے کہ واشنگٹن نے مشرق وسطیٰ میں جنگ کے پہلے 6 دنوں میں 11.3 بلین ڈالرز خرچ کیے ہیں اور اس کے بعد ہر روز اضافی 1 بلین ڈالرز اخراجات کا تخمینہ ہے۔

جنگ کی شروعات

امریکہ اور اسرائیل نے 28 فروری کو ایران کے خلاف جنگ شروع کی جس میں دارالحکومت تہران سمیت بڑے ایرانی شہروں کو نشانہ بنایا جا رہا ہے۔ ایران نے بحرین، اردن، عراق، قطر، کویت، متحدہ عرب امارات اور سعودی عرب میں اسرائیل اور امریکی فوجی تنصیبات کے خلاف جوابی کارروائیاں کی ہیں۔