شکیب الحسن نے ایک بار پھر ملک کیلئے کھیلنے کی خواہش ظاہر کر دی

شکیب الحسن کی قومی ٹیم کے لیے کرکٹ کھیلنے کی خواہش

ڈھاکہ(ڈیلی پاکستان آن لائن) بنگلہ دیشی کرکٹر شکیب الحسن نے ایک بار پھر ملک کے لیے کرکٹ کھیلنے کی خواہش کا اظہار کر دیا۔

یہ بھی پڑھیں: امریکی صدر ڈونلڈ ٹرمپ مرکزی بینک کے صدر کو نوکری سے نکالنے پر تُل گئے، لیکن کیوں؟ حیران کن انکشاف

عوام کی حمایت کی درخواست

روزنامہ جنگ کے مطابق 39 سالہ شکیب الحسن نے سوشل میڈیا پر پیغام میں قومی ٹیم کی نمائندگی کی خواہش ظاہر کرتے ہوئے کہا کہ میری حالیہ میڈیا سے گفتگو نے کافی بحث چھیڑ دی ہے، اس لیے میں سب کچھ واضح کرنا چاہتا ہوں۔

یہ بھی پڑھیں: صدر مملکت آصف علی زرداری کا جے 10 سی طیارے بنانے والے ایئر کرافٹ کمپلیکس کا دورہ

کیریئر کے آخری مرحلے میں عزم

شکیب الحسن نے کہا کہ اس وقت میری پوری توجہ صرف کرکٹ پر ہے، میری اپنے کیریئر کے اس آخری مرحلے میں خواہش ہے کہ بنگلہ دیش کے لیے کھیلوں، موقع ملا تو بہترین کارکردگی سے ملک کو یادگار پرفارمنسز تحفے میں دینے کی کوشش کروں گا۔

یہ بھی پڑھیں: ڈاکٹرز کہہ رہے ہیں عمران خان کی بینائی کا ہسپتال میں علاج ہونا چاہیے مگر جیل انتظامیہ جیل میں ہی علاج پر بضد ہے،مونس الہیٰ

سیاست اور ترقی

انہوں نے کہا کہ سیاست کسی بھی ملک کی ترقی کے لیے اہم ہوتی ہے، کرکٹ سے ریٹائرمنٹ کے بعد میں بھی اپنے ملک کی ترقی میں حصہ ڈالنا چاہتا ہوں، تاہم یہ ضروری نہیں کہ ایسا صرف سیاست کے ذریعے ہی کیا جائے، سیاست کے بغیر بھی ملک کے لیے کام کیا جا سکتا ہے۔

یہ بھی پڑھیں: خرم شہزاد کو اہم ذمہ داری مل گئی

مستقبل کی امیدیں

شکیب الحسن کا کہنا ہے کہ البتہ سیاست کے ذریعے چیزیں کرنا زیادہ آسان ہو سکتا ہے، مجھے امید ہے کہ میں اپنے کرکٹ کیریئر کا اختتام سرخ و سبز جرسی میں مسکراہٹ کے ساتھ کروں۔

دعاؤں اور محبت کی درخواست

ان کا یہ بھی کہنا ہے کہ اسی مقصد کے ساتھ میں بنگلادیش کے عوام سے دعاؤں اور محبت کی درخواست کرتا ہوں۔