جیٹ فیول مہنگا ہونے پر پی آئی اے کا مسافروں کو دی جانے والی تمام رعایتیں ختم کرنے کا اعلان

پی آئی اے کی نئی رعایتوں کا اعلان

اسلام آباد (ڈیلی پاکستان آن لائن) پی آئی اے نے مسافروں کے لیے تمام رعایتیں ختم کرنے کا اعلان کیا ہے، جبکہ بچوں اور شیرخوار بچوں کے لیے رعایت برقرار رکھی گئی ہے۔ قومی ایئر لائن نے جیٹ فیول کی قیمتوں میں مسلسل اضافے کے باعث اپنی پروازوں میں بھی کمی کرنے کا فیصلہ کیا ہے۔

یہ بھی پڑھیں: وزیراعلیٰ مراد علی شاہ نے دریائے سندھ پر نیا سکھر روہڑی پل بنانے کا اعلان کر دیا

جیٹ فیول کی قیمتوں میں اضافہ

پی آئی اے کے ترجمان نے پیر کو بتایا کہ حالیہ ہفتوں میں عالمی سپلائی چین میں غیر یقینی صورتحال، خصوصاً مشرق وسطیٰ میں جنگ کے باعث جیٹ فیول (JP) کی قیمتوں میں تیزی سے اضافہ ہوا ہے۔

یہ بھی پڑھیں: مانیٹری پالیسی کمیٹی کا آج اجلاس، شرح سود میں 2 فیصد تک کمی متوقع

نئی حکمت عملی اور پروازوں میں کمی

ترجمان کے مطابق پی آئی اے نے اصولی فیصلہ کرتے ہوئے تمام رعایتیں ختم کر دی ہیں اور اب صرف بچوں اور شیرخوار بچوں کے لیے ہی رعایت برقرار رہے گی۔ ایندھن کی بڑھتی ہوئی قیمتوں اور ممکنہ مالی نقصانات سے نمٹنے کے لیے ایک اعلیٰ سطحی اجلاس میں حکمت عملی تیار کی گئی ہے۔

یہ بھی پڑھیں: ملاقات کرنے سے انکار پر ثناء یوسف کو قتل کیا، ملزم عمر حیات کا اعترافی بیان

پروازوں کی حد بندی

ترجمان کے مطابق پی آئی اے متحدہ عرب امارات کے لیے اپنی پروازیں محدود کر کے ہفتہ وار 16 کر دے گی۔ اس کے علاوہ اپریل کے اختتام تک متحدہ عرب امارات اور سعودی عرب کے علاوہ دیگر خلیجی ممالک کے لیے پروازیں عارضی طور پر معطل کر دی جائیں گی۔

یہ بھی پڑھیں: رکی ہوئی زبان مشین کی طرح چلنے لگی، اس نے رٹے رٹائے الفاظ میں تاریخ بیان کرنا شروع کی، آگے بڑھے تو وہ عظیم ا لشان مگر مصنوعی پہاڑی نظر آئی

پروازوں کی معطلی

انہوں نے مزید بتایا کہ پی آئی اے 11 اپریل سے بیجنگ اور 14 اپریل سے کوالالمپور کے لیے پروازیں بھی معطل کر دے گی۔

یہ بھی پڑھیں: گاڑیوں پر 18 فیصد عمومی ٹیکس کے نفاذ کا اعلان

مالی مسائل اور انتظامی فیصلے

ترجمان کے مطابق یہ فیصلے جیٹ فیول کی قیمتوں میں مسلسل چوتھے اضافے کے پیش نظر کیے گئے ہیں۔ انہوں نے کہا کہ ایندھن کی قیمتوں کا پورا بوجھ مسافروں پر منتقل نہیں کیا جا سکتا، اسی لیے انتظامی سطح پر سخت فیصلے کرنا پڑے۔

یہ بھی پڑھیں: لوگوں کا کیا ہے!

امیدیں اور مستقبل

انہوں نے امید ظاہر کی کہ عالمی سطح پر ایندھن کی قیمتیں جلد معمول پر آ جائیں گی جس کے بعد متاثرہ روٹس بحال کر دیے جائیں گے۔

حکومت سے مطالبہ

گزشتہ ہفتے پی آئی اے کنسورشیم کے چیئرمین عارف حبیب نے جیٹ فیول کی قیمتوں میں 150 فیصد اضافے کے باعث ایئر لائن کے آپریشنز کے مستقبل پر خدشات کا اظہار کرتے ہوئے حکومت سے اس اضافے کو واپس لینے کا مطالبہ کیا تھا۔