پیٹرولیم مصنوعات کی ذخیرہ اندوزی ناقابل معافی جرم ہے، شہباز شریف

وزیراعظم کی کفایت شعاری مہم کی اہمیت

اسلام آباد(ڈیلی پاکستان آن لائن)وزیراعظم شہباز شریف نے خطے کی کشیدہ صورت حال کے پیش نظر پیٹرول کی بچت اور کفایت شعاری مہم کو کامیاب بنانے پر زور دیتے ہوئے کہا ہے کہ پیٹرولیم مصنوعات کی ذخیرہ اندوزی ناقابل معافی جرم ہے اور ملوث افراد کے خلاف سخت قانونی کارروائی کی جائے گی۔

یہ بھی پڑھیں: ہیرا اور اسد کی سروس ٹائرز پنجاب اوپن ٹینس چیمپئن شپ میں شاندار فتوحات

اجلاس کا اہم ایجنڈا

وزیراعظم شہباز شریف کی زیر صدارت پیٹرولیم مصنوعات، توانائی کی بچت اور کفایت شعاری کے اقدامات کے نفاذ کے حوالے سے اہم جائزہ اجلاس ہوا۔ اس اجلاس میں خطے کی کشیدہ صورت حال کے پیش نظر معاشی استحکام کے لیے کفایت شعاری سے متعلق فیصلوں پر عمل درآمد پر بریفنگ دی گئی۔ اجلاس میں پنجاب، خیبر پختونخوا، بلوچستان، آزاد جموں و کشمیر، گلگت بلتستان اور اسلام آباد میں بازار اور شاپنگ مالز کو رات 8 بجے بند کرنے کے حوالے سے کیے گئے انتظامات پر بھی بریفنگ دی گئی۔

یہ بھی پڑھیں: بہادر قبائل قیام امن کے لیے کی جانے والی کوششوں میں افواج کے شانہ بشانہ کھڑے ہیں، شاہد آفریدی

قوم کی شمولیت کی اہمیت

وزیراعظم شہباز شریف نے کہا کہ علاقائی صورت حال کی سنگینی کے پیش نظر پوری قوم مل کر پیٹرول کی بچت اور کفایت شعاری کی مہم میں اپنا حصہ ڈالے۔ انہوں نے مزید کہا کہ ملک میں بجلی کی پیداوار کا ایک حصہ پیٹرولیم مصنوعات پر منحصر ہے۔ مارکیٹس کو 8 بجے بند کرنے اور دیگر کفایت شعاری کے اقدامات کا مقصد قیمتی زر مبادلہ کی بچت کے ساتھ ساتھ بجلی کی بلا تعطل فراہم کرنا بھی ہے۔

یہ بھی پڑھیں: پاکستان سیاحت اور سرمایہ کاری کے لیے خوبصورت اور بہترین ملک، علامہ طاہر اشرفی نے عرب ممالک کے سرمایہ کاروں کو بڑی پیشکش کر دی

سبسڈی کا نظام

اجلاس کو بتایا گیا کہ مارکیٹس اور شاپنگ مالز رات کو 8 بجے بند کرنے کے حوالے سے حکومت سندھ کے ساتھ مشاورت جاری ہے۔ صوبائی حکومتوں سے تیل پر سبسڈی کے حامل افراد کے کوائف موصول ہونے شروع ہو گئے ہیں اور تصدیق کے بعد ایک شفاف ڈجیٹل نظام کے ذریعے انہیں سبسڈی کی ادائیگی کی جا رہی ہے۔

مال بردار گاڑیوں کو سبسڈی

بریفنگ میں یہ بھی بتایا گیا کہ وزارت آئی ٹی اور اسٹیٹ بینک آف پاکستان کے اشتراک سے 4 اپریل سے مال بردار گاڑیوں، بسوں اور ٹرکوں کو سبسڈی کی فراہمی تسلسل کے ساتھ جاری ہے۔ اجلاس میں نائب وزیراعظم و وزیر خارجہ اسحاق ڈار، وفاقی وزرا اور دیگر اعلیٰ سرکاری افسران نے شرکت کی۔