اڈیالہ روڈ پر ہنگامہ آرائی، بانی پی ٹی آئی کی تینوں بہنوں کے خلاف مقدمہ درج

ہنگامہ آرائی کا واقعہ

راولپنڈی (ڈیلی پاکستان آن لائن) اڈیالہ روڈ پر پاکستان تحریک انصاف کے کارکنوں کی جانب سے ہنگامہ آرائی کے بعد پولیس نے بانی پی ٹی آئی کی بہنوں کے خلاف انسداد دہشتگردی کی دفعات کے تحت مقدمہ درج کرلیا۔

یہ بھی پڑھیں: گوجرانوالہ کے لیے خوشخبری، نواز شریف کی ہدایت پر ماس ٹرانزٹ پراجیکٹ کی منظوری

مقدمے کی تفصیلات

پولیس کے مطابق مقدمے میں بانی پی ٹی آئی عمران خان کی تینوں بہنوں علیمہ خان، ڈاکٹر عظمیٰ، نورین نیازی سمیت متعدد عہدیداروں کو نامزد کیا گیا ہے۔ ایف آئی آر تھانہ صدر بیرونی میں چوکی انچارج اڈیالہ عمران خان کی مدعیت میں درج کی گئی، جس میں ہنگامہ آرائی، اقدام قتل، اور پولیس سے مزاحمت کی دفعات بھی شامل ہیں۔

یہ بھی پڑھیں: مدارس کے معاملے پر ہمیں پریشان نہ کیا جائے، ورنہ بڑی آزمائش بن جائیں گے، مولانا فضل الرحمان

مزید ملزمان کا ذکر

ایف آئی آر میں ایم این اے شاہد خٹک، ایم پی اے مینا خان، ایم این اے شفقت اعوان، ترجمان کے پی کے شفیع اللہ جان، سمابیہ طاہر ستی سمیت 1400 نامعلوم ملزمان کو نامزد کیا گیا ہے۔ ملزمان نے پتھراؤ کرکے 9 پولیس اہلکاروں کو زخمی کیا، موقع سے پولیس نے 41 ملزمان کو حراست میں لیا تھا جو بعدازاں فرار ہوگئے۔ متعدد ملزمان پولیس کی حراست سے فرار ہوگئے، پولیس نے فرار ہونے والے ملزمان کی 13 گاڑیاں بھی تحویل میں لے لیں۔

ملزمان کی سرگرمیاں

ایف آئی آر کے مطابق ملزمان کی گاڑیوں سے پٹرول، کانچ کی بوتلیں، روئی، ماچس اور دیگر اشیاء برآمد ہوئیں۔ ملزمان کے پتھراؤ اور ڈنڈوں سے متعدد سرکاری اور پرائیوٹ گاڑیوں کو نقصان پہنچا۔ یہ ملزمان سیاسی مقاصد کے لیے انتشار پھیلا کر پنجاب حکومت کو دباؤ میں لانے کی کوشش میں تھے۔