دو ماہ کی مسلسل دوڑ دھوپ کے بعد آخر کار انگلینڈ کا ویزہ لگ گیا، شوقِ سفر کی انتہا تھی، ہیتھرو ایئرپورٹ پہنچے، پاکستانی مسافروں کے لیے علیحدہ راستہ تھا۔

مصنف: ع۔غ۔ جانباز
قسط: 113

ویزے کی مشکلیں اور کامیابی

16 ستمبر 2004ء کو تقریباً دو ماہ کی مسلسل دوڑ دُھوپ کے بعد آخر کار انگلینڈ کا ویزہ لگ گیا۔ بھائی یعقوب نے اپنی بیٹی "رفعت شاہین"، جو کہ وہاں لندن میں ایک وکیل (Solicitor) کی حیثیت سے کام کر رہی ہے، کی طرف سے سپانسرشپ لیٹر اور بینک اسٹیٹمنٹ، ملازمت کا تصدیقی خط اور اپنے رہائشی مکان کے کاغذات بھیجے۔ اس طرح برٹش ایمبیسی والوں کی تسلّی ہوئی۔ دوسرے انٹرویوز بھی بلا جھجھک دیے اور ہر طرح کے ذاتی کاغذات بھی پیش کیے۔

پرواز کی تیاری

16 ستمبر 2004 کو فلائٹ کی بکنگ کروائی ہوئی تھی، جس کی روانگی صبح 10 بجے تھی۔ گھر میں صبح 5 بجے تیار ہوکر ناشتہ کر رہے تھے۔ سفر کی شوق اور انگلینڈ کے منظر کی تڑپ عروج پر تھی۔ علامہ اقبال ائیرپورٹ کے لیے ساڑھے چھ بجے روانہ ہوگئے۔ برخوردار میجر اعجاز سعید نے ائیرپورٹ پر چھوڑنے کی ڈیوٹی سر انجام دی۔ ائیرپورٹ اب کی دفعہ بہت ہی اچھا لگ رہا تھا، آخر ایک انٹرنیشنل فلائٹ کا مسافر تھا۔

ائیرپورٹ پر تجربات

ہم جلد ہی ائیرپورٹ کے اندر چلے گئے۔ کلیئرنس کے بعد میجر اعجاز کو فون کر کے بتا دیا کہ کلیئرنس ہوگئی ہے۔ جہاز کا وقت ہونے پر سب لوگ جہاز کی طرف روانہ ہوگئے۔ یہ بڑا جہاز تھا اور اچھی رونق تھی، لیکن روانگی میں تاخیر ہوگئی۔ آخر کار جہاز روانہ ہوا۔

لندن کی آمد

ہیتھرو ائیرپورٹ (لندن) پر جہاز تقریباً رات 12 بجے اترا۔ سامان لینے میں آدھا گھنٹہ لگ گیا۔ پاکستانی مسافروں کے لیے علیحدہ راستہ تھا جہاں چیکنگ زیادہ سخت تھی۔ بھائی یعقوب، اُن کی بہو اور لڑکی رفعت شاہین ہمیں لینے کے لیے ائیرپورٹ پر موجود تھے۔ ہم نے پیار بھرے جملوں کا تبادلہ کیا۔ راستے میں ٹریفک جام ہونے کی وجہ سے کافی دیر ہوگئی، مگر آخرکار گھر پہنچے۔

پہلا دن انگلینڈ میں

17 ستمبر 2004ء صبح 8 بجے آنکھ کھلی۔ ٹمپریچر 20°C تھا۔ جلدی جلدی منہ ہاتھ دھو کر نیچے ناشتہ کے لیے گئے۔ کچھ وقفے کے بعد بیٹے احمد ندیم کا کینیڈا اور بیٹی اسماء ناز کا آسٹریلیا سے فون آیا کہ وہ بخیر پہنچے ہیں۔ ناشتہ کے بعد بھائی یعقوب کے مکان کا تفصیلی جائزہ لیا۔

مکان کی تفصیل

یہاں کا گھر ڈبل سٹوری ہے اور گلی کے تمام مکانوں کا Front View ایک جیسا ہے۔ پرانے زمانے کی کوئلہ جلانے والی چمنیاں اب بھی قائم ہیں۔ ڈبل سٹوری گھر کے نیچے ڈرائنگ، ڈائننگ، کچن، 2 کمرے اور ایک باتھ ہے، جبکہ اوپر کی منزل میں 2 بیڈ روم اور Sitting Room ہے۔

(جاری ہے)

نوٹ: یہ کتاب "بک ہوم" نے شائع کی ہے (جملہ حقوق محفوظ ہیں)۔ ادارے کا مصنف کی آراء سے متفق ہونا ضروری نہیں۔