جے ڈی وینس کا طیارہ تاخیر سے کیوں پہنچا، نارمل روٹ سے سفر کیوں نہیں کیا، پاکستان سے پہلے کہاں قیام کیا۔۔۔؟ اہم تفصیلات جانیے

امریکی نائب صدر کا طیارہ: تاخیر اور سفر کی تفصیلات

اسلام آباد (خصوصی رپورٹ ) جے ڈی وینس کا طیارہ تاخیر سے کیوں پہنچا، نارمل روٹ سے سفر کیوں نہیں کیا، پاکستان سے پہلے کہاں قیام کیا۔۔۔؟ اہم تفصیلات سامنے آ گئیں۔

یہ بھی پڑھیں: گوجرانوالہ میں یوتھ موومنٹ کی مقامی تنظیم کی سرگرمیاں اور پرنسپل ایم آئی شمیم کا کردار

تاخیر کی تفصیلات

’’جیو نیوز‘‘ کے مطابق ایران سے جنگ بندی مذاکرات کیلئے پاکستان آنے والے امریکی نائب صدر کا خصوصی طیارہ اعلان کردہ وقت سے ساڑھے 3 گھنٹے تاخیر سے اسلام آباد پہنچا۔ امریکی وفد نے آج صبح 7 بجے اسلام آباد پہنچنا تھا مگر پرواز کی آمد میں ساڑھے 3 گھنٹے کی تاخیر ہوئی۔

یہ بھی پڑھیں: پاکستان ہائی کمیشن لندن کا برطانیہ میں قونصلر خدمات کے فروغ کے لیے اہم اقدام، گھر گھر سہولیات پہنچانے کے اقدامات کمیونٹی میں اظہار اطمینان

سفر کا راستہ

ایوی ایشن ماہرین کے مطابق طیارے کو ایک سٹاپ اوور کرتے ہوئے امریکہ سے 15 گھنٹے میں منزل پر پہنچنا تھا۔ طیارہ پاکستانی وقت شام 5:47 اور امریکی وقت صبح 8:47 بجے میری لائن کے کیمپ اسپرنگ بیس سے روانہ ہوا۔ سی 32 اے طیارہ 14 گھنٹے 20 منٹ کا سفر طے کرکے میری لینڈ سے اسلام آباد پہنچا، اس دوران طیارے نے اڑھائی گھنٹے پیرس میں قیام بھی کیا۔

یہ بھی پڑھیں: داؤد ابراہیم کے مبینہ قریبی ساتھی دانش چکنا کو گرفتار کرلیا گیا

نارمل روٹ کی عدم پیروی

دوسری جانب طیارے نے نارمل روٹ سے سفر نہیں کیا بلکہ مشرق وسطیٰ کے ممالک کی فضائی حدود کو نظر انداز کیا۔ طیارہ جارجیا، آذربائیجان اور ترکمانستان سمرقند سے ہوتے ہوئے تاجکستان پہنچا۔

پاکستان میں داخلہ

افغانستان کی طویل فضائی حدود کو نظر انداز کرتے ہوئے طیارہ 10 بجے چترال کے قریب سے پاکستانی فضائی حدود میں داخل ہوا۔ پاکستانی فضائی حدود میں امریکی طیارے کا ائیر فورس کی جانب سے پرتپاک استقبال کیا گیا۔ امریکی ائیر فورس کے سی 32 اے طیارے نے 10:33 بجے نورخان ائیربیس پر لینڈ کیا۔