انسٹاگرام نے نوجوان نسل کو بچانے کیلئے نئے ٹولز متعارف کرادیے
نئے ٹولز کا تعارف
کیلیفورنیا(ڈیلی پاکستان آن لائن) میٹا نے نوجوانوں کی حفاظت کے لیے فوٹو شیئرنگ ایپ انسٹاگرام پر نئے ٹولز متعارف کرائے ہیں جن کا مقصد نوجوانوں کو بلیک میل ہونے سے بچانا ہے۔
یہ بھی پڑھیں: پتوکی میں بارش کے باعث کام سے چھٹی کرنے پر ملزمان نے گھر میں گھس کو محنت کش کو قتل کر دیا
مشکوک اکاؤنٹس کی نشاندہی
کمپنی کے مطابق اب مشکوک اکاؤنٹس کے لیے انسٹاگرام پر نوجوانوں کو نشانہ بنانا مشکل بنایا جا رہا ہے۔
یہ بھی پڑھیں: کرتارپور راہداری سے معمول کے مطابق سکھ یاتریوں کی پاکستان آمد
اسپام فولڈرز اور بلاکنگ
ادارے نے بتایا کہ مشتبہ اکاؤنٹس سے درخواستوں پر تحقیق کرکے انہیں اسپام فولڈرز میں بھیج دیا جائے گا یا کمپنی کی طرف سے مکمل طور پر بلاک کر دیا جائے گا۔
یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا ؟
نوجوانوں کے لیے الرٹس
انسٹاگرام ایک الرٹ پر بھی کام کر رہا ہے جو نوجوانوں کو کسی مشکوک اکاؤنٹ سے موصول ہونے والے پیغام کے بارے میں متنبہ کرے گا۔ اس میں بتایا جائے گا کہ یہ پیغام کسی دوسرے ملک سے بھیجا گیا ہے۔
یہ بھی پڑھیں: عام انتخابات میں تحریک انصاف کو کم از کم دو تہائی اکثریت ملی، امیر جماعت اسلامی
فالورز کی نگرانی
اسی طرح اگر کوئی مشکوک اکاؤنٹ پہلے سے ہی کسی نوجوان کو فالو کر رہا ہے تو اسے نوجوانوں کے فالورز کی فہرستیں اور اکاؤنٹس دیکھنے سے روک دیا جائے گا جو اسے پوسٹس میں ٹیگ کرتے ہیں۔
مشکوک اکاؤنٹس کا تعین
تاہم میٹا نے یہ واضح نہیں کیا کہ ایسے مشکوک اکاؤنٹس کا تعین کیسے کیا جائے گا۔ کمپنی کے ترجمان کے مطابق اکاؤنٹ ہولڈر کی عمر اور دوستوں کی فہرست وغیرہ جیسے مختلف عوامل کو مدنظر رکھا جائے گا۔
