بانی پی ٹی آئی کو گزشتہ دو ہفتوں سے قید تنہائی میں رکھا ہوا ہے، بیرسٹر سیف کا دعویٰ

پشاور میں صورتحال

پشاور (ڈیلی پاکستان آن لائن) مشیر اطلاعات خیبر پختونخوا بیرسٹر محمد علی سیف نے دعویٰ کیا ہے کہ بانی چیئرمین پاکستان تحریک انصاف (پی ٹی آئی) کو 14 دن سے قید تنہائی میں رکھا جا رہا ہے۔

یہ بھی پڑھیں: امریکا چھوڑنے والے غیرقانونی تارکین وطن کو رقم اور ٹکٹ فراہم کریں گے، ڈونلڈ ٹرمپ

غیر انسانی سلوک کی مذمت

بیرسٹر سیف نے کہا کہ اڈیالہ جیل راولپنڈی میں بانی پی ٹی آئی کے ساتھ قید میں غیر انسانی سلوک کی مذمت کرتے ہیں۔

یہ بھی پڑھیں: نریندر مودی کے اپنے ہی گھر میں رسوائی کا سامنا، کانگریس نے آپریشن سندور اور جنگ بندی پر بھارتی پارلیمنٹ کا اجلاس بلانے کا مطالبہ کر دیا

ہیومن رائٹس واچ کا نوٹس لینے کی درخواست

انہوں نے کہا کہ ہیومن رائٹس واچ بانی پی ٹی آئی کی ناجائز قید اور انسانی حقوق کی خلاف ورزیوں کا نوٹس لے۔ عمران خان کو قید تنہائی (آئیسولیشن) میں رکھا جا رہا ہے۔

یہ بھی پڑھیں: بھارتی جنگی جنون کے خلاف پاکستانی قوم اپنی افواج کے شانہ بشانہ کھڑی ہے: چوہدری شجاعت

قید کی حالات

مشیر اطلاعات خیبر پختونخوا نے مزید کہا کہ بانی پی ٹی آئی کو 14 دنوں سے چھوٹے سیل میں محدود کر کے بجلی بھی کاٹ دی گئی، انہیں گزشتہ 2 ہفتوں کے دوران تمام تر امور سے ناواقف رکھا گیا ہے۔

یہ بھی پڑھیں: پی ٹی آئی کے کارکنان اسمبلی کی عمارت میں داخل، شدید نعرے بازی

احتجاج کی کال

ان کا کہنا تھا کہ اگر بانی پی ٹی آئی کے ساتھ یہی سلوک جاری رہا تو ملک بھر میں احتجاج کی کال دیں گے۔ آئینی ترمیم کی منظوری کے لیے حکومت غیر قانونی ہتکھنڈوں پر اتر آئی ہے۔

وزیراعلیٰ کی ملاقات

بیرسٹر محمد علی سیف نے یہ بھی کہا کہ وزیراعلیٰ خیبر پختونخوا بھی جلد بانی پی ٹی آئی سے ملاقات کریں گے اور پھر صوبے کے عوام کو اپنی نئی حکمت عملی سے آگاہ کریں گے۔