وریندرسہواگ نے بھی بابراعظم کی خراب فارم پر لب کشائی کردی، مشورہ دیدیا

ویرندر سہواگ کا بابراعظم کے بارے میں بیان

نئی دہلی (آئی این پی) بھارتی کرکٹ ٹیم کے سابق اوپنر ویرندر سہواگ نے بھی قومی ٹیم کے سابق کپتان بابراعظم کی خراب فارم پر لب کشائی کردی۔

یہ بھی پڑھیں: شہرقائد میں پارہ 40ڈگری تک جانے کا امکان

مشورہ

سابق بھارتی کرکٹر ویرندر سہواگ نے بابراعظم کو مشورہ دیا کہ اب انہیں ڈومیسٹک کرکٹ کھیلنی چاہیے، انھیں اپنی فٹنس پر کام کرنا چاہیے، پھر ذہنی طور پر مضبوط ہوکر ٹیم میں واپسی کرنی چاہیے۔ انہوں نے کہا کہ بابراعظم سے توقعات کم ہونے اور کپتانی سے مستعفی ہونے سے ایسا لگتا ہے کہ وہ تکنیکی اور ذہنی طور پر زیادہ متاثر ہوئے ہیں۔ وہ باصلاحیت کرکٹر ہیں اور جلد انٹرنیشنل کرکٹ میں واپسی کرسکتے ہیں۔

بابراعظم کی حالیہ کارکردگی

قبل ازیں انگلینڈ کے خلاف پہلے ٹیسٹ میچ میں مسلسل ناقص پرفارمنس کے باعث بابراعظم کو ڈراپ کردیا گیا تھا جبکہ وہ آخری 18 ٹیسٹ اننگز میں 50 رنز کا ہندسہ عبور نہیں کرسکے ہیں۔ بابراعظم بنگلادیش کے خلاف 2 ٹیسٹ میں 16 کی اوسط سے صرف 64 رنز کے اسکور بناسکے تھے جبکہ انگلینڈ کیخلاف پہلی اننگز میں 30 اور دوسری اننگز میں 5 رنز بناکر آؤٹ ہوگئے تھے۔