ملکی سیاسی صورتحال، وزیراعظم شہبازشریف نے بیرون ملک جانے کا پروگرام ملتوی کردیا

وزیراعظم شہباز شریف کا بیرون ملک جانے کا پروگرام ملتوی

اسلام آباد(ڈیلی پاکستان آن لائن) وزیراعظم شہباز شریف نے بیرون ملک جانے کا پروگرام ملتوی کر دیا ہے۔

سیاسی صورتحال کی وجہ سے ملتوی

نجی ٹی وی چینل جیو نیوز کے مطابق ذرائع کا کہنا ہے کہ آئینی ترمیم اور سیاسی صورتحال کے پیش نظر وزیراعظم شہباز شریف نے اپنے بیرون ملک جانے کے پروگرام کو ملتوی کیا۔ وزیراعظم کو منگل کے روز سموعہ کے لئے روانہ ہونا تھا۔

سموعہ میں دولت مشترکہ کے سربراہان حکومت کا اجلاس

سموعہ میں دولت مشترکہ کے سربراہان حکومت کا اجلاس 24 اور 25 اکتوبر کو ہونے والا ہے۔ ذرائع کے مطابق وزیراعظم کی جگہ وزیر خارجہ پاکستان کے وفد کی نمائندگی کرنے کا امکان ہے۔ آئینی ترمیم ہونے کی صورت میں وزیر خارجہ اسحاق ڈار آج رات سموعہ کیلئے روانہ ہوں گے۔