لارنس بشنوئی کی جانب سے معافی مطالبے پر سلمان خان کے والد کا کرارا جواب

سلمان خان کے والد کا بیان

ممبئی (ڈیلی پاکستان آن لائن) معروف بھارتی فلم پروڈیوسر اور سپر سٹار سلمان خان کے والد سلیم خان کا کہنا ہے کہ ان کا بیٹا گینگسٹر گروپ لارنس بشنوئی سے معافی نہیں مانگے گا۔

یہ بھی پڑھیں: آسٹریلیا کیخلاف ون ڈے سیریز میں شاندار کامیابی،کپتان محمد رضوان کا بیان بھی سامنے آ گیا

سلمان کی جانوروں سے محبت

بھارتی نیوز چینل کو انٹرویو دیتے ہوئے سلیم خان کا کہنا تھا کہ سلمان جانوروں سے محبت کرتا ہے۔ انہوں نے کبھی کالے ہرن کا شکار نہیں کیا ہے۔ بشنوئی گینگ کی جانب سے رقم کا مطالبہ بھتہ خوری ہے۔

کالے ہرن کا شکار اور تاریخی پس منظر

یاد رہے کہ 1998 میں راجستھان کے علاقے جودھ پور میں ایک فلم "ہم ساتھ ساتھ ہیں" کی شوٹنگ کے موقع پر کالے ہرن کے شکار کا معاملہ سامنے آیا تھا۔ حال ہی میں بشنوئی گینگ نے بھارتی اداکار سلمان خان سے دیرینہ دشمنی ختم کرنے کے لیے بھاری رقم کا مطالبہ کیا ہے، جس کی عدم ادائیگی پر انہیں قتل کی دھمکی دی گئی ہے۔