اے این ایف کی کارروائیاں ، 86 کلو سے زائد منشیات برآمد، 7 ملزمان گرفتار

اینٹی نارکوٹکس فورس کی کارروائی

اسلام آباد (ڈیلی پاکستان آن لائن) اینٹی نارکوٹکس فورس (اے این ایف) نے 13 کارروائیوں میں 86.92 کلو سے زائد منشیات برآمد کرلی، جبکہ 7 ملزمان گرفتار کر لئے گئے۔

کارروائیاں کس جگہ ہوئیں؟

ترجمان کے مطابق یہ کارروائیاں کراچی، اسلام آباد، کوئٹہ، حب، راولپنڈی، سیالکوٹ، ملتان، اور گوجرانوالہ میں کی گئیں۔ کارروائی کے دوران 66 کلو چرس اور 18 کلو 540 گرام آئس برآمد کی گئی۔

مزید منشیات کی برآمدگی

ترجمان اے این ایف کا کہنا ہے کہ اس کارروائی میں ایک کلو 182 گرام ویڈ، 1 کلو ہیروئن، اور 44 ہیروئن بھرے کیپسولز برآمد کئے گئے ہیں۔ گرفتار ملزمان نے تعلیمی اداروں کے طلباء کو بھی منشیات فروخت کرنے کا اعتراف کیا ہے۔

قانونی کارروائی

ترجمان کے مطابق، گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔