سوات میں زمین کا تنازع، بھائیوں نے ایک دوسرے پر گولیاں چلادیں، 2 جاں بحق

سوات میں زمین کے تنازع پر فائرنگ

سوات (ڈیلی پاکستان آن لائن) اوڈیگرام میں بھائیوں کے درمیان زمین کے تنازع کے نتیجے میں دو بھائی جاں بحق اور دو زخمی ہو گئے۔ زخمیوں کو فوری طور پر ہسپتال منتقل کیا گیا ہے۔

یہ بھی پڑھیں: صدارتی انتخابات؛ ٹرمپ نے کونسی ریاستوں میں کامیابی سمیٹی؟ نام سامنے آ گئے

حادثے کی تفصیلات

پولیس کے مطابق، تھانہ رحیم آباد کی حدود میں ملزم شکیل نے فائرنگ کی، جس کے نتیجے میں اپنے دو بھائیوں کو قتل اور دو کو زخمی کر دیا۔ جاں بحق ہونے والوں میں ضیاء الحق اور احسان الحق شامل ہیں۔

تحقیقات اور گرفتاری

لاشوں اور زخمیوں کو سیدوشریف ہسپتال منتقل کر دیا گیا ہے۔ واقعے کا مقدمہ درج کر کے تفتیش کا آغاز کر دیا گیا ہے، جبکہ پولیس نے ملزم شکیل کو گرفتار کر لیا ہے۔