26 ویں آئینی ترمیم سے عوام کو عدالتوں سے جلد انصاف ملے گا: وزیراعظم

وزیراعظم کا 26 ویں آئینی ترمیم کے بارے میں بیان

اسلام آباد (ڈیلی پاکستان آن لائن) وزیراعظم شہباز شریف نے کہا ہے کہ 26 ویں آئینی ترمیم سے عوام کو جلد عدالتوں سے انصاف ملے گا، ترمیم پاکستان کی ترقی اور خوشحالی کے لیے موثر ثابت ہوگی۔

یہ بھی پڑھیں: صدر ٹرمپ فیلڈ مارشل عاصم منیر کے اعزاز میں ظہرانہ دیں گے

وفاقی کابینہ اجلاس میں اظہار خیال

وفاقی کابینہ اجلاس میں اظہار خیال کرتے ہوئے وزیراعظم شہباز شریف کا کہنا تھا کہ 26 ویں آئینی ترمیم دوتہائی اکثریت سے پارلیمنٹ نے منظور کی۔ آئینی ترمیم کی منظوری پر مبارکباد پیش کرنا چاہتا ہوں، یہ ترمیم ترقی، خوشحالی، معاشی اور سیاسی استحکام کے لیے سنگ میل کی حیثیت رکھتی ہے۔

یہ بھی پڑھیں: صورتحال ٹف ہے ، کسی سطح پر کوئی مذاکرات نہیں ہو رہے ،سلمان اکرم راجہ کے استعفے پر بانی پی ٹی آئی فیصلہ کریں گے:بیرسٹر گوہر

انصاف کی فراہمی کی اہمیت

انہوں نے کہا کہ عام آدمی کے کیسز سالوں سے عدالتوں میں لٹکے ہوئے ہیں، جس کے نتیجے میں انصاف نہیں ملتا۔ آئینی بینچ کے قیام سے عام آدمی کو سہولت ملے گی۔ 2006 میں شہید بینظیر بھٹو اور نوازشریف کے درمیان معاہدے پر دستخط ہوئے تھے، یہ اس وژن کی بھی تکمیل ہے۔

یہ بھی پڑھیں: بھارتی مسافر بردار طیارے کی کراچی ائیرپورٹ پر ایمرجنسی لینڈنگ

سیاسی رہنماؤں کی مشاورت

شہباز شریف نے کہا کہ تمام سیاسی رہنماوں سے اس ترمیم پر طویل مشاورت ہوئی، اور انتھک محنت کے بعد ہر آئینی شق پر بات چیت کی گئی۔

یہ بھی پڑھیں: ہر تقریر کا اختتام اس فقرے پر ہوتا”آپ گواہ رہیں‘ میاں ممتاز محمد خاں دولتانہ بطور مسلم لیگی پیدا ہوا، ہمیشہ رہا اور مسلم لیگی مرا“یہ کتبہ میری قبر پر لکھ دیا جائے

وزیراعظم کا شکریہ

انہوں نے کہا کہ 26 ویں آئینی ترمیم پاکستان کی ترقی، خوشحالی اور استحکام کے لیے بہت موثر اور مثبت ثابت ہوگی، اور تمام سیاسی لیڈران کا شکریہ ادا کرنا چاہتا ہوں۔

یہ بھی پڑھیں: امریکہ میں غیر قانونی ڈرون اڑانے پر سخت سزا کا اعلان، کتنے ڈالر جرمانہ ہوگا؟ جانیے

SCO کانفرنس کا کامیاب انعقاد

وزیراعظم کا کہنا تھا کہ ایس سی او کانفرنس کے کامیاب انعقاد پر بھی سب کا شکر گزار ہوں۔ شنگھائی تعاون تنظیم کانفرنس پاکستان کے لیے کامیابی ثابت ہوئی، جس سے پاکستان کا امیج دنیا میں بڑھا۔

یہ بھی پڑھیں: پاکستان اور میانمار کے درمیان دوطرفہ تعاون کے فروغ کے لیے مفاہمتی یادداشت پر دستخط

چین اور روس کے وزرائے اعظم کی تعریف

انہوں نے کہا کہ چینی وزیراعظم 11 سال بعد پاکستان آئے ہیں، اور اسلام آباد کو پھولوں سے سجایا گیا۔ چین اور روس کے وزرائے اعظم نے اسلام آباد کی خوبصورتی کی تعریف کی۔

یہ بھی پڑھیں: نانا پاٹیکر اور اُتکرش شرما کی نئی فلم ’ونواس‘ کا پہلا پوسٹر جاری

پاکستان کی معاشی ترقی میں بہتری

شہباز شریف نے کہا کہ پاکستان کی معاشی ترقی میں آہستہ آہستہ بہتری اور نکھار آ رہا ہے۔ اللہ کی مہربانی سے مہنگائی کی شرح 6.9 فیصد پر آگئی ہے۔

یہ بھی پڑھیں: دی ہنڈرڈ میں ابرار احمد کو شامل کرنے پر فرنچائز کی انڈین مالکن پر تنقید: ’انھیں ملک سے زیادہ پیسے کی پرواہ ہے‘

غزہ اور لبنان کی صورتحال

وزیراعظم کا کہنا تھا کہ غزہ اور لبنان میں ظلم و ستم جاری ہے، بے گناہ بچوں اور خواتین کا قتل عام کیا جا رہا ہے۔ اقوام متحدہ کی سکیورٹی کونسل کی سیزفائر کی قراردادوں پر کوئی عمل نہیں ہوا۔

پاکستان کا بھرپور تعاون

شہباز شریف نے مزید کہا کہ غزہ اور لبنان کے بھائیوں کے لیے جو تعاون ہوسکا پاکستان نے کیا، اور مزید امدادی سامان پہنچانے کے لیے کوششیں جاری رہیں گی۔