کھوکھر فیملی ن لیگ کا فخر، پارٹی کیلئے گرانقدر خدمات ہیں، نواز شریف

ملاقات کی تفصیلات

لاہور (ڈیلی پاکستان آن لائن) سابق وزیراعظم اور صدر مسلم لیگ ن میاں نوازشریف سے صدر مسلم لیگ ن لاہور سیف الملوک کھوکھر اور صدر مسلم لیگ ن یوتھ ونگ لاہور فیصل ایوب کھوکھر نے ملاقات کی۔

یہ بھی پڑھیں: حکومت کا 27 ویں آئینی ترمیم لانے کا فیصلہ

خدمات کا اعتراف

ملاقات کے دوران میاں نوازشریف نے سیف الملوک کھوکھر اور فیصل کھوکھر کی خدمات کو سراہا اور کہا کہ کھوکھر فیملی مسلم لیگ ن کا فخر ہے جن کی پارٹی کے لیے بہت خدمات ہیں۔ کھوکھر برادران ہمارا فخر ہیں جنہوں نے مشکل دور میں پارٹی کا بہترین انداز میں ساتھ دیا۔

یہ بھی پڑھیں: کوئی کچھ بھی کہتا رہے،2 ماہ تڑپنے پھڑکنے، پہلو بدلنے کے بعد بالآخر26ویں ترمیم آئین کے حُجلۂ عروسی میں آ بیٹھی ہے: عرفان صدیقی

تنظیم کے امور میں بہترین کارکردگی

میاں نوازشریف نے کہا کہ سیف کھوکھر اور فیصل ایوب کھوکھر تنظیم کے امور بہترین انداز میں چلا رہے ہیں۔ فیصل ایوب کھوکھر بطور سپورٹس منسٹر بہترین انداز میں کام کر رہے ہیں۔ نواز شریف نے پنک گیمز کے کامیاب انعقاد اور "کھیلتا پنجاب" پر فیصل ایوب کھوکھر کو شاباش بھی دی۔

صدر مسلم لیگ ن لاہور کی رائے

صدر مسلم لیگ ن لاہور سیف الملوک کھوکھر نے کہا کہ آپ ہمارا فخر ہیں اور آپ نے ملک کے لیے بہت قربانیاں دیں۔ آپ کی رہنمائی کے مطابق عوام کی خدمت کر رہے ہیں، آپ ہمارے لیے رول ماڈل ہیں اور ہمارا فخر ہیں۔