کاش میں وہ غلطی نہ کرتا: پاکستان میں پولیو کے بڑھتے کیسوں کا افغانستان سے تعلق کیا ہے؟

’کاش میں وہ غلطی نہ کرتا۔۔۔‘

کوئٹہ کے جلال الدین کے چہرے پر یہ الفاظ ادا کرتے ہوئے تاسف نمایاں تھا۔ وہ اپنے 23 ماہ کے بیٹے جواد احمد کے بارے میں بات کر رہے تھے جو پولیو وائرس کا شکار ہو چکا ہے۔

جلال الدین بلوچستان کے صوبائی دارالحکومت کوئٹہ شہر کے صالح آباد نامی علاقے کے رہائشی ہیں۔ جلال الدین کے چھ بچے ہیں جن میں سے پانچ کو تو انھوں نے بروقت پولیو کے قطرے پلوائے لیکن جواد احمد کو پیدائش کے بعد آٹھ ماہ تک انسداد پولیو ٹیموں سے چھپائے رکھا۔ اور یہی وہ غلطی تھی جس پر آج انھیں انتہائی پچھتاوا ہے۔

جلال الدین سے جب Uses in Urdu نے سوال کیا کہ انھوں نے جواد کو پولیو ٹیم سے چھپا کر کیوں رکھا؟ تو انھوں نے عجیب منتق پیش کی ’وہ ہمیں سب سے زیادہ پیارا تھا، اس لیے ہم نے اُسے پولیو کے قطرے نہ پلانے کا فیصلہ کیا اور 8 ماہ تک پولیو کی ٹیموں سے چھپایا۔‘

جب جواد کی عمر آٹھ ماہ ہوئی تو انھیں پہلی مرتبہ پولیو کے قطرے پلوائے گئے مگر تب تک بہت دیر ہو چکی تھی۔ چند ہفتوں کے بعد جب جواد بیمار ہوئے تو ڈاکٹر نے معائنے کے بعد اس شبے کا اظہار کیا کہ ان کو پولیو وائرس تھا۔

اِس وقت دنیا کے صرف دو ہی ممالک، پاکستان اور افغانستان، میں پولیو کے کیسز موجود ہیں۔ سنہ 2023 میں ان دونوں ممالک سے مجموعی طور چھ کیسز سامنے آئے تھے تاہم رواں سال پاکستان میں 39 جبکہ افغانستان میں 22 کیس سامنے آ چکے ہیں۔

پاکستان میں انسداد پولیو پروگرام کے مطابق رواں سال پاکستان سے سامنے آنے والی کیسز میں سب سے زیادہ یعنی 20 کیسز صوبہ بلوچستان میں سامنے آئے ہیں۔ بلوچستان میں پولیو وائرس سے متاثرہ بچوں میں سے تین کی موت بھی ہوئی ہے۔ اس کے علاوہ 12 کیس سندھ، پانچ خیبرپختونخوا جبکہ پنجاب اور اسلام آباد سے ایک ایک کیس رپورٹ ہوا ہے۔

بلوچستان سمیت پاکستان سے پولیو کے مکمل خاتمے میں ایک بڑی رکاوٹ والدین کی جانب سے بچوں کو پولیو کے قطرے نہ پلوانا ہے۔ دوسری جانب ایمرجنسی آپریشن سینٹر بلوچستان کے ٹیکنیکل فوکل پرسن ڈاکٹر نجیب اللہ نے Uses in Urdu کو بتایا ہے کہ سرحد پار افغانستان میں غیر موثر پولیو مہم اور دونوں ممالک سے لوگوں کی آمد و رفت بھی ایک وجہ ہے، جو پاکستان میں پولیو کے مکمل خاتمے کے راستے میں رکاوٹ ہے۔

پولیو وائرس کیا ہے اور کیسے پھیلتا ہے؟ پاکستان میں پولیو کے کیس اچانک کیوں بڑھے اور افغانستان سے اس معاملے کا کیا تعلق ہے؟ اور خاص کر بلوچستان میں زیادہ پولیو کیسز کی کوئی خاص وجہ ہے؟ Uses in Urdu نے پولیو آگاہی کے عالمی دن کے موقع پر ان تمام سوالوں کے جواب تلاش کرنے کی کوشش کی ہے۔

اس کے ساتھ ساتھ ایک اور اہم سوال یہ بھی سامنے آیا کہ بلوچستان میں بچیوں کے مقابلے میں بچوں میں پولیو کے کیس زیادہ کیوں سامنے آتے ہیں؟

’بیٹا صبح اٹھا تو ایک ٹانگ کام نہیں کر رہی تھی‘

کوئٹہ کے ڈھائی سالہ جواد پولیو کی بیماری سے حال ہی میں متاثر ہوئے ہیں۔ گذشتہ سال نومبر میں اچانک انھیں بخار اور چھاتی میں تکلیف کی شکایت ہوئی۔

ان کا کہنا تھا کہ ’پولیو وائرس ماحول میں موجود ہے اور سیوریج کے ناقص نظام کی وجہ سے گندا پانی گلیوں میں بہتا ہے جہاں بچے کھیلتے ہیں اور پولیو سے متاثر ہوتے ہیں۔ کیوں کہ پاکستان جیسے معاشرے میں لڑکے بچیوں کی نسبت زیادہ عام طور پر گلیوں میں کھیلتے ہیں، اسی لیے متاثر ہونے والوں میں لڑکوں کی تعداد زیادہ ہے۔‘

یہ بھی پڑھیں: لیہ میں زمین تنازع: خاتون اور اس کی دو بیٹیوں کی خودکشی کی کوشش

غذائیت اور دیگر حفاظتی ٹیکوں کی کمی

پاکستان میں غذائیت کی کمی، جس کی شرح بلوچستان میں باقی صوبوں کے مقابلے میں کافی زیادہ ہے، بھی ایک اور وجہ ہے جس کے باعث حکام کے مطابق پاکستان میں پولیو مہم موثر ثابت نہیں ہو رہی۔

بین الاقوامی ادارے کے سینیئر اہلکار نے بتایا کہ دیگر صوبوں کے مقابلے میں بلوچستان میں پستہ قد اور لاغر بچوں کی شرح بہت زیادہ ہے۔

اُن کا کہنا تھا کہ ’پولیو ویکسین کی فراہمی ہونے کے باوجود صوبے میں دوسرے حفاظتی ٹیکوں کی کمی ہے اور 67 فیصد بچوں کو دوسری بیماریوں سے بچانے والے حفاظتی ٹیکے نہیں لگتے۔‘

انھوں نے کہا کہ ’اگر بچوں کی قوت مدافعت کم ہو گی اور ساتھ وہ غذائیت کی کمی کا شکار ہوں گے اور انھیں دیگر حفاظتی ٹیکے نہیں لگے تو ایسے میں وہ آسانی کے ساتھ پولیو کے ساتھ ساتھ دیگر بیماریوں کا شکار ہو سکتے ہیں۔‘

جب Uses in Urdu نے محکمہ صحت کے ایک سینیئر اہلکار سے پولیو کے کیسوں میں اضافے کے حوالے سے بات کی تو انھوں نے آن ریکارڈ بات کرنے سے معذرت کرتے ہوئے کہا کہ اس کے لیے ایمرجنسی آپریشن سینٹر بنایا گیا ہے ۔

تاہم انھوں نے نام ظاہر نہ کرنے کی شرط پر بتایا کہ بلوچستان میں بچوں میں غذائی قلت حقیقت میں ایک بڑا مسئلہ ہے۔

یہ بھی پڑھیں: صدر مملکت کی شہید لیفٹیننٹ کرنل محمد علی کے گھر تشریف آوری، اہل خانہ سے تعزیت

پاکستان میں پولیو کیسز کا افغانستان سے کیا تعلق ہے؟

واضح رہے کہ پاکستان کے صوبہ بلوچستان کے سات اضلاع کی سرحد افغانستان کے ساتھ متصل ہے جن میں ژوب، قلعہ سیف اللہ، پشین، قلعہ عبداللہ، چمن، نوشکی اور چاغی شامل ہیں۔ ان اضلاع میں سے چمن، قلعہ عبداللہ، پشین اور نوشکی کی سرحدیں افغانستان کے شہر قندھار سے ملتی ہیں۔

ایمرجنسی آپریشن سینٹر کے کوآرڈینیٹر انعام الحق نے Uses in Urdu کو بتایا کہ بلوچستان میں 28 ماہ بعد پہلی مرتبہ وائرس قندھار سے چمن آیا۔ واضح رہے کہ چمن سے قندھار اور بلوچستان کے درمیان لوگوں کی سب سے زیادہ آمدورفت ہوتی ہے۔

بلوچستان میں اب تک پولیو کے 20 کیسز میں سے 13 کیسز چمن، قلعہ عبداللہ، پشین اور کوئٹہ سے رپورٹ ہوئے جن کو ’کوئٹہ بلاک‘ کا نام دے کر ہائی رسک علاقوں میں شامل کیا گیا ہے۔ ایمرجنسی آپریشن سینٹر بلوچستان کے ٹیکنیکل فوکل پرسن ڈاکٹر نجیب اللہ نے بتایا کہ وائی بی اے نامی ایک ہی وائرس اس وقت افغانستان اور پاکستان میں گردش کر رہا ہے۔

انہوں نے بتایا کہ 'اب تک افغانستان سے رپورٹ ہونے والے 23 کیسز میں سے تقریباً 18 قندھار سے سامنے آئے ہیں۔' ڈاکٹر نجیب اللہ نے کہا کہ اگر ایک جگہ وائرس ہو گا تو وہ دوسری جگہ ضرور جائے گا۔

ان کا کہنا تھا کہ 'پاکستان اور افغانستان کے درمیان طویل سرحد ہے جہاں غیر روایتی راستوں سے بھی لوگوں کی آمدورفت ہوتی ہے۔ لوگوں کا دونوں طرف آنا جانا ہے، اس لیے جو وائرس اس وقت یہاں ہے وہ پہلے افغانستان میں تھا۔'

انہوں نے کہا کہ 'بدقسمتی سے افغانستان میں پولیو کے خلاف مہم مؤثر نہیں کیونکہ وہاں گھر گھر جانے کی بجائے مسجدوں یا ایسے ہی مخصوص مقامات پر بچوں کو لا کر قطرے پلائے جاتے ہیں۔'

ان کا کہنا تھا کہ 'چھ ماہ قبل قندھار کو چھوڑ کر افغانستان کے دوسرے علاقوں میں پاکستان کی طرح گھر گھر جا کر بچوں کو پولیو کے قطرے پلانے کا سلسلہ شروع کیا گیا لیکن دو ڈھائی مہینے پہلے اسے بند کرکے دوبارہ مخصوص مقامات تک محدود کیا گیا۔'

افغانستان میں پانچ سال کے وقفے کے بعد جون 2024 میں گھر گھر پولیو ویکسین کے قطرے بچوں کو پلانے کی مہم کا آغاز کیا گیا تھا۔ تاہم ستمبر میں ویکسین پروگرام کو طالبان حکام نے منسوخ کر دیا۔ Uses in Urdu کی جانب سے طالبان کی وزارت صحت سے سوال کیا گیا تاہم ان کی جانب سے جواب نہیں دیا گیا۔

یہ بھی پڑھیں: نازیبا ویڈیوز لیک ہونے سے بچانے کیلئے ایپ متعارف کروادی گئی

پولیو کیا ہے اور یہ بیماری کیسے پھیلتی ہے؟

پولیو کی بیماری ایک وائرس کی وجہ سے ہوتی ہے جو متاثرہ شخص کے پاخانے کی مدد سے پھیلتا ہے۔ اس کے علاوہ متاثرہ مریض کے کھانسنے یا چھینکنے سے بھی پولیو وائرس کے قطرے پھیل سکتے ہیں، تاہم اس طرح کا پھیلاو کم ہوتا ہے۔

یہ وائرس پانچ سال سے کم عمر بچوں کو زیادہ متاثر کرتا ہے۔ عالمی ادارہ صحت کے مطابق ہر 200 میں سے ایک متاثرہ بچہ ہمیشہ کے لیے جسمانی معذوری کا شکار ہو سکتا ہے جبکہ متاثرہ بچوں میں سے پانچ سے دس فیصد کی موت بھی ہو سکتی ہے کیوں کہ ان کے سانس لینے والے پٹھے ناکارہ ہو جاتے ہیں۔

عالمی انسداد پولیو پروگرام کی مدد سے پولیو وائرس کی تین میں سے دو اقسام کا مکمل خاتمہ کر دیا گیا، تاہم یہ جنگ ابھی ختم نہیں ہوئی۔

عالمی ادارہ صحت کا کہنا ہے کہ جب تک ایک بھی بچہ پولیو وائرس کا شکار رہے گا، پوری دنیا میں بچوں کو خطرہ لاحق رہے گا۔

پولیو وائرس کے پھیلاؤ کی ایک وجہ اسے روکنے والی ویکسین بھی بن سکتی ہے کیونکہ اس ویکسین میں اسی وائرس کی ایک کمزور قسم موجود ہوتی ہے جو باآسانی پیٹ میں زندہ رہ کر پاخانے کے ساتھ جسم سے نکل جاتی ہے اور پھر سیوریج یعنی گٹر کے پانی کے ساتھ ایسے بچوں کو متاثر کر سکتی ہے جن کو ویکسین نہیں لگی ہوئی۔

یہ بھی پڑھیں: میں بانی متحدہ کی بیٹی کو ایئر پورٹ لینے جا رہا ہوں، رؤف صدیقی

ویکسین مہم خطرات کا شکار

پولیو کے کیسوں میں خطرناک اضافے کے باوجود عالمی ادارہ صحت زیادہ پریشان نہیں ہے۔ عالمی ادارہ صحت کی پولیو مہم کے ڈاکٹر حامد جعفری کہتے ہیں کہ 'پولیو وائرس کچھ عرصے بعد بڑھتا ہے اور اس سال ہم وہی دیکھ رہے ہیں۔'

پاکستان اور افغانستان میں پولیو کا خاتمہ کرنے کے لیے پانچ سال سے کم عمر ہر بچے کو پولیو ویکسین کے دو قطرے وقفے وقفے سے پلانا ضروری ہیں۔ حامد جعفری کا کہنا ہے کہ 'مقامی ٹیمیں موٹرسائیکلوں پر دور دراز علاقوں میں جاتی ہیں اور ایسے لوگوں تک بھی پہنچتی ہیں جو ایک جگہ پر زیادہ دیر نہیں رہتے، یعنی خانہ بدوش۔'

ان کا کہنا ہے کہ 'اگرچہ کیسوں کی تعداد میں اضافہ ہوا ہے لیکن وائرس کی بنیادی دو ہی قسمیں اس وقت گردش کر رہی ہیں، جبکہ 2020 میں یہ 12 مختلف قسم کے وائرس تھے۔'

اب عالمی ادارہ صحت پولیو کے قطرے پلانے سے انکار کرنے والے والدین کے بارے میں بھی حکمت عملی بنا رہا ہے۔ ڈیجیٹل میڈیا کی مدد سے ویکسین کے خلاف پھیلنے والی غلط معلومات کا تدارک کرنے کے لیے مقامی سطح پر بااثر اور مشہور شخصیات کی مدد لی جا رہی ہے۔

ڈاکٹر حامد جعفری کہتے ہیں کہ 'پاکستان اور افغانستان کی سیاسی قیادت 2025 میں پولیو کا مکمل خاتمہ کرنے کا عزم رکھتی ہے اور تسلسل کے ساتھ سرحد کے دونوں اطراف تمام بچوں تک رسائی سے ہم پولیو کو تاریخ بنا سکتے ہیں۔'

اگر یہ مہم واقعی کامیاب ہو گئی تو چیچک کے بعد پولیو دوسری بیماری ہو گی جسے انسانی محنت سے مکمل طور پر ختم کر دیا جائے گا۔