بشریٰ بی بی اڈیالہ جیل سے رہا، بیرسٹر گوہر نے عمران خان نے رہائی کا بھی عندیہ دیدیا

بشریٰ بی بی کی رہائی کا پس منظر

راولپنڈی(ڈیلی پاکستان آن لائن)چیئرمین تحریک انصاف بیرسٹر گوہر نے کہاہے کہ بشریٰ بی بی کی رہائی میرٹ پر ہوئی ہے، بانی پی ٹی آئی بھی جلد رہا ہوں گے۔

یہ بھی پڑھیں: جمہوریت کی بحالی میں بیگم نصرت بھٹو کی خدمات ناقابل فراموش ہیں: صدر مملکت

بشریٰ بی بی کا توشہ خانہ سے تعلق

راولپنڈی میں میڈیا سے گفتگو کرتے ہوئے بیرسٹر گوہر نے کہاکہ بشریٰ بی بی کا توشہ خانہ سے کوئی تعلق نہیں تھا، یہ بتاتے ہوئے انہوں نے کہا کہ بشریٰ بی بی کا توشہ خانہ کی لسٹ میں نام نہیں تھا۔ ان کاکہناتھا کہ بشریٰ بی بی کو جیل میں رکھنے کا یہ ایک بہانہ تھا۔ بشریٰ بی بی، بانی پی ٹی آئی کے نظریے کے ساتھ رہیں، بیرسٹر گوہر نے کہاکہ بشریٰ بی بی نے خود گرفتاری دی تھی، وہ کچھ دیر بعد بنی گالہ آ جائیں گی۔

بانی پی ٹی آئی کی جلد رہائی

ان کا کہناتھا کہ بانی پی ٹی آئی بھی جلد رہا ہوں گے، اگر کوئی ڈیل ہوتی تو بشریٰ بی بی اتنے ماہ جیل میں نہ رہتیں۔ بیرسٹر گوہر نے کہاکہ بانی پی ٹی آئی کی رہائی عدالتوں سے میرٹ پر ہوگی، اور یہ رہائی بھی کسی ڈیل کے تحت نہیں ہوگی۔