شہریار کا قرآن پاک کا حافظ ہونا مجھے سب سے زیادہ بھایا، وینا ملک کا انکشاف

ویناملک اور شہریار چوہدری کا تعلق

لاہور(ڈیلی پاکستان آن لائن) پاکستانی اداکارہ و ماڈل ویناملک ان دنوں ٹک ٹاکر شہریار چوہدری کے ساتھ تعلق کے باعث خبروں میں ہیں جو ان سے عمر میں 6 سال چھوٹے ہیں۔ دونوں کے درمیان تحفے تحائف دینے کا سلسلہ بھی جاری ہے جو سوشل میڈیا پر دیکھا بھی جاسکتا ہے۔

یہ بھی پڑھیں: وفاقی بیورو کریسی میں تقرر و تبادلے

انٹرویو میں انکشافات

حال ہی میں انڈیپینڈنٹ اردو سے کی گئی گفتگو کے دوران جہاں وینا نے شوبز سے عارضی وقفے اور اپنی ذاتی زندگی کے اتار چڑھاؤ پر بات کی، وہیں اپنی زندگی میں آنے والے مسٹری مین شہریار چوہدری کے حوالے سے بھی کئی انکشافات کیے۔ شہریار چوہدری سے متعلق وینا ملک کا کہنا تھا کہ: "انہوں نے مجھے زندگی کا مثبت اور منفرد رخ دکھایا، شہریار کا قرآن پاک کا حافظ ہونا مجھے سب سے زیادہ بھایا۔"

یہ بھی پڑھیں: پشاور میں خاتون کی بچوں سمیت پراسرار موت

شہریار کے بارے میں وینا کی رائے

وینا ملک نے دعویٰ کیا کہ "شہریار اور میں ایک ساتھ بہت خوبصورت لگتے ہیں، اسی وجہ سے اب میں بالی وڈ کے گانے زیادہ سننے لگی ہوں" جبکہ شہریار بے پناہ مصروفیت کے باوجود ان کے لیے سوشل میڈیا استعمال کرتے ہیں۔ وینا ملک کا کہنا تھا کہ "انکی لکھائی بہت خوبصورت ہے، آواز بہت سُریلی ہے اور وہ گانا بہت اچھا گاتے ہیں"۔

تعلیم پر توجہ

دوسری جانب میڈیا سے عارضی وقفہ لینے پر وینا نے بتایا کہ "میں نے اس دوران اپنی توجہ تعلیم پر مرکوز رکھی، اور نفسیات میں بیچلرز کی ڈگری حاصل کرنے کے ساتھ ماسٹرز کے امتحان دیے جس کا رزلٹ ابھی نہیں آیا"۔