ایران میں کتنے مقامات کو نشانہ بنایا گیا؟ اسرائیل نے حملے کے بعد باضابطہ بیان جاری کر دیا

اسرائیل کی ایرانی حملوں کے جواب میں کارروائیاں

یروشلم (ویب ڈیسک) اسرائیلی فوجی ترجمان کا کہنا ہے کہ اسرائیلی فوج نے ایرانی حملوں کے جواب میں کارروائی مکمل کر لی ہے۔

یہ بھی پڑھیں: پاکستان نے اپنی طاقت پر انحصار کر کے جنگ لڑی، غریدہ فاروقی کا بھارتی جنرل کے بیان پر تبصرہ

فوجی اہداف پر حملے

غیر ملکی خبر رساں ادارے کے مطابق اسرائیلی فوجی ترجمان نے کہا ہے کہ تازہ حملوں میں ایران میں طے شدہ فوجی اہداف کو نشانہ بنایا گیا ہے۔ اسرائیلی فوج کے ترجمان کا کہنا ہے کہ اسرائیل کو درپیش فوری خطرات کو دور کر دیا گیا ہے، ایران نے ان حملوں کے جواب میں حملے کیے تو جواب دیا جائے گا۔

یہ بھی پڑھیں: ترکیہ کے ساحلی علاقے مارماریس میں 5.8 شدت کا زلزلہ

نئی صورتحال

ادھر اسرائیلی سرکاری عہدیدار نے کہا ہے کہ ایران کی فوجی تنصیبات پر اسرائیلی حملے ختم ہو گئے، ایران پر اسرائیلی حملوں میں 20 مقامات کو نشانہ بنایا گیا۔ امریکی اخبار نیویارک ٹائمز کا کہنا ہے کہ ایران کی فوجی تنصیبات پر اسرائیلی حملے کئی گھنٹے جاری رہے۔

یہ بھی پڑھیں: فیصل مسجد کی حرمت سے متعلق درخواست پر انچارج مسجد کو نوٹس

ایران کا دفاعی ردعمل

دوسری جانب ایران کے فوجی حکام کا کہنا ہے کہ تہران کے قریب 3 مختلف مقامات پر حملوں کو ناکام بنانے کے لیے فضائی دفاعی نظام استعمال کیا گیا۔ غیر ملکی خبر رساں ادارے کے مطابق ایران نے اگلے نوٹس تک اپنی تمام پروازیں منسوخ کر دی ہیں۔

یہ بھی پڑھیں: ڈاکٹرز نے مجھے دو مرتبہ مردہ قرار دے دیا ، ایک بار میری لاش گھر بھجوا دی ، سابق خاتون رکن اسمبلی نے تہلکہ خیز انکشاف کردیا

ایرانی خبر ایجنسی کا بیان

ایرانی خبر ایجنسی کے ذرائع کا کہنا ہے کہ ایران کسی بھی جارحیت کا جواب دینے کا حق محفوظ رکھتا ہے۔ ایرانی فوجی حکام نے کہا ہے کہ اسرائیل کو مناسب ردِعمل کا سامنا کرنا پڑے گا۔

یہ بھی پڑھیں: سوچیں، ایران کے پاس جوہری ہتھیار ہوتے تو کیا ہوچکا ہوتا؟ اسرائیلی وزیر اعظم نیتن یاہو

حملوں کی تفصیلات

اسرائیلی اور امریکی حکام کا دعویٰ ہے کہ ایران پر حملہ 3 مرحلوں میں کیا گیا، دوسرے اور تیسرے حملوں میں ایران کی میزائل اور ڈرون حملے کرنے کی صلاحیت کو نشانہ بنایا گیا۔

عام میڈیا کی رپورٹنگ

واضح رہے کہ امریکی میڈیا کا کہنا تھا کہ اسرائیل نے ایران پر فضائی حملوں کا آغاز کر دیا ہے جبکہ ایران کے سرکاری میڈیا نے تہران میں دھماکوں کی تصدیق کی ہے۔ اسرائیلی فوج نے یکے بعد دیگرے ایران میں فوجی اہداف پر 2 بار کئی فضائی حملے کیے، اسرائیل نے شام میں بھی متعدد فوجی تنصیبات کو نشانہ بنایا۔