26ویں آئینی ترمیم نے چور دروازے سے اقتدار میں آنے کا راستہ بند کردیا: رانا ثناءاللہ

وزیراعظم کے مشیر کا بیان

لاہور (ڈیلی پاکستان آن لائن) وزیراعظم کے مشیر برائے سیاسی امور رانا ثناءاللہ نے کہا ہے کہ 26ویں آئینی ترمیم نے چور دروازے سے اقتدار میں آنے کا راستہ بند کردیا۔

یہ بھی پڑھیں: فلم گھونگھٹ کے دوران صائمہ پر عاشق ہوگیا تھا، سید نور کا اعتراف

معاشی اور سیاسی استحکام

لاہور میں پریس کانفرنس کرتے ہوئے لیگی رہنما رانا ثناءاللہ کا کہنا تھا کہ مسلم لیگ (ن) نے ملک کی معیشت و ترقی میں مثبت کردار ادا کیا ہے اور پاکستان بحرانی کیفیت سے نکل آیا ہے اور اب ملک میں معاشی و سیاسی استحکام آئے گا۔

یہ بھی پڑھیں: ایشیائی ترقیاتی بینک نے پاکستان کے لیے 33 کروڑ ڈالر قرض کی منظوری دے دی

سیاسی حقیقت کا کردار

انہوں نے کہا کہ عدم اعتماد کی کامیابی کے بعد جب حکومت بنائی تو ڈیفالٹ کا خطرہ لاحق تھا تاہم ہر مرحلے میں مسلم لیگ (ن) نے سیاسی حقیقت کے طور پر بھرپور کردار ادا کیا ہے اور تمام سیاسی قوتوں کے ساتھ مل کر کام کرنے پر یقین رکھا۔

یہ بھی پڑھیں: مجموعی طور پر 70 افراد دریائے سوات کے پانی میں پھنسے تھے جن میں سے 55 کو زندہ نکال لیا گیا ، ریسکیو حکام

دہشت گردی کے خلاف اقدامات

ان کا کہنا تھا کہ ہم نے دہشت گردی کے خلاف جنگ میں اہم کردار ادا کیا اور ہمیشہ ملکی ترقی اور خوشحالی میں مثبت کردار ادا کیا جبکہ لوڈشیڈنگ کا خاتمہ کرکے توانائی بحران پر قابو پایا۔

یہ بھی پڑھیں: پی ٹی آئی انتشار کی سیاست کررہی ہے، آخری کال خاتمے کی کال ثابت ہوگی، امیر مقام

غیرآئینی حکومت کا خاتمہ

رانا ثناءاللہ نے کہا کہ 2017 میں ایک منتخب وزیراعظم کی حکومت کو غیر آئینی طریقے سے ختم کیا گیا۔ نوازشریف کی قیادت میں پھلتے پھولتے اور ترقی کرتے پاکستان کو ٹریک سے ہٹایا گیا، تاہم آج وفاق اور پنجاب میں مسلم لیگ (ن) کو عوامی تائید حاصل ہے۔

یہ بھی پڑھیں: لاہور میں خاتون ڈکیت نے لفٹ لینے کے بہانے شہری سے 7لاکھ 80ہزار روپے لوٹ لیے

آئینی ترمیم کا اثر

لیگی رہنما کا کہنا تھا کہ 26ویں آئینی ترمیم کی وجہ سے یہ امید پیدا ہوئی ہے کہ اب پاکستان کو چور راستوں سے نشانہ نہیں بنایا جائے گا جیسے پہلے بنایا جاتا تھا۔ ملک کی خدمت کرتی حکومت کو ختم کرکے پاکستان میں عدم استحکام پیدا کیا گیا، اب وہ چور دروازے بند ہوگئے ہیں۔

حکومت کی کوششیں

رانا ثناءاللہ نے مزید کہا کہ وزیراعظم کی انتھک محنت سے پاکستان ترقی کی راہ پر گامزن ہے۔ تعلیم، صحت اور بے روزگاری کے معاملے پر پنجاب حکومت بھرپور توجہ دے رہی ہے۔ وزیراعلیٰ پنجاب مریم نواز عوام کو ریلیف دینے کے لیے بھرپور اقدامات کررہی ہیں، بڑے ترقیاتی منصوبوں پر کام ہورہا ہے، اب پاکستان میں معاشی اور سیاسی استحکام آئے گا۔