عدالت کا ایم ڈی کیٹ امتحان 4 ہفتوں میں دوبارہ لینے کا حکم

سندھ ہائی کورٹ کا فیصلہ

کراچی (ڈیلی پاکستان آن لائن) سندھ ہائی کورٹ نے ایم ڈی کیٹ دوبارہ لینے کا حکم دیا ہے جو کہ چار ہفتوں کے اندر ہوگا۔

یہ بھی پڑھیں: تحریک انصاف کے احتجاج کی کوئی اہمیت باقی نہیں رہی، فضل الرحمان

ایم ڈی کیٹ میں بے ضابطگیاں

ایم ڈی کیٹ میں مبینہ بے ضابطگیوں کے کیس میں عدالت نے مختصر فیصلہ سنایا۔ جسٹس صلاح الدین پہنور نے پی ایم ڈی سی کے وکیل سے کہا کہ

“جہاں طاقت ور لوگ ہیں، وہاں آپ کے ہاتھ بندھے ہوئے ہیں۔ آج ہی ایم ڈی کیٹ کے نتائج کا اعلان کریں۔ کیا 8 ہزار روپے فی امیدوار لئے گئے؟ یہ غریب کے لئے زیادہ ہے، بظاہر یہ امتحان کمپرومائزڈ ہوا ہے۔”

یہ بھی پڑھیں: قومی اسمبلی کی نیشنل فوڈ اینڈ سکیورٹی کمیٹی کا اجلاس، سیڈترمیمی بل 2024کی منظوری

قانونی معاونت

پی ایم ڈی سی کے وکیل نے کہا کہ عدالت جو فیصلہ کرے گی، اس پر عمل کریں گے۔

یہ بھی پڑھیں: آج ہماری فیملی کی بشریٰ بی بی سے اڈیالہ جیل میں ملاقات ہوئی ،جس میں انہوں نے بانی پی ٹی آئی کی صحت سے متعلق شدید تشویش ظاہر کی،مریم ریاض وٹو

ایف آئی اے کی شواہد

ایف آئی اے کے وکیل نے بتایا کہ امتحانی عمل میں شریک افراد کے موبائل فونز فرانزک پر ہیں۔ ایک بندے نے میسجز ڈیلیٹ کیے ہوئے تھے جو ریکور ہوئے، فزیکل ثبوت بھی ملا ہے۔

سندھ حکومت کی ذمہ داری

عدالت نے کہا کہ چیف سیکرٹری سندھ، سیکرٹری صحت اور سیکرٹری جامعات سے احکامات لیں اور پوچھ کر بتائیں کہ اگر آئی بی اے دوبارہ ٹیسٹ لے تو سندھ حکومت کیا سہولتیں دے گی؟

ایڈیشنل چیف سیکرٹری نے کہا کہ عدالت کے حکم پر آئی بی اے کراچی سے مشاورت کرتے ہیں جس پر سندھ ہائی کورٹ نے جواب دیا:

“عدالت کے حکم پر کیوں؟ یہ آپ کا کام ہے، عدالت کے حکم کی ضرورت نہیں ہے۔”