عمران خان کو جیل میں سہولیات کی مبینہ عدم فراہمی کیخلاف عدالت سے رجوع کرلیا

درخواست کا پس منظر

اسلام آباد (ڈیلی پاکستان آن لائن) عمران خان کو جیل میں سہولیات کی عدم فراہمی پراسلام آباد ہائیکورٹ میں درخواست دائر کردی گئی۔

یہ بھی پڑھیں: کراچی کے گیمر نے Temu کی بدولت اپنے گیمنگ سیٹ اپ کو نئی بلندی پر پہنچا دیا

درخواست کا متن

فیصل چوہدری ایڈووکیٹ کی جانب سے دائر ہونیوالی درخواست میں موقف اختیار کیا گیا ہے کہ بانی پی ٹی آئی کو جیل میں بنیادی سہولتیں سے محروم کرنا جیل مینوئل کی خلاف ورزی ہے۔

یہ بھی پڑھیں: پاک چین اقتصادی راہداری کے منصوبوں کی تکمیل کیلئے پرعزم ہیں: وزیراعظم

سہولیات کی کمی

بانی پی ٹی آئی کو ایک بہت چھوٹے سیل میں مستقل بند رکھا جا رہا ہے اور انہیں ورزش کی سہولت بھی میسر نہیں ہے۔ درخواست میں مزید کہا گیا ہے کہ بانی پی ٹی آئی کو ٹیلی ویژن اور اخبار کی سہولت بھی مہیا کی جائے جو کہ واپس لی گئی ہے۔

آئینی حقوق کی پامالی

آئین میں موجود آرٹیکل 9 اور دیگر آرٹیکلز کو مکمل طور پر نظر انداز کر دیا گیا ہے۔ درخواست میں استدعا کی گئی ہے کہ عدالت بانی پی ٹی آئی کے انسانی حقوق کی نگہبان ہے اور فوری طور پر بانی پی ٹی آئی کے حقوق بحال کیے جائیں۔