سعودی حکومت پاکستانی بھکاریوں سے پریشان

لاہور (ڈیلی پاکستان آن لائن) چیئرمین علما کونسل حافظ طاہر اشرفی نے کہا ہے کہ سعودی حکومت پاکستانی بھکاریوں سے پریشان ہے۔

یہ بھی پڑھیں: قائمہ کمیٹی داخلہ کے اجلاس میں 4سینیٹرز کے سائبر فراڈیوں کے ہاتھوں لٹنے کا انکشاف

حج اور عمرہ کے مہمان

لاہور میں پریس کانفرنس کرتے ہوئے حافظ طاہر اشرفی کا کہنا تھا کہ حج اور عمرے پر جانے والا اللہ کا مہمان ہوتا ہے، دنیا کی طرح سعودی عرب میں بھی تبدیلیاں آ چکی ہیں، ملک میں معاشی استحکام کے لیے کوششیں ہو رہی ہیں۔

یہ بھی پڑھیں: ہم نئے گورنر سندھ کا خیر مقدم کرتے ہیں، تعاون کریں گے: سینئر وزیر سندھ شرجیل میمن

بھیک مانگنے کی روک تھام

انہوں نے کہا کہ سعودی اور پاکستانی حکومت بھکاریوں کی وجہ سے پریشان ہیں، کوئی ایسا ضابطہ بننا چاہیے کہ جو کوئی بھی عمرہ کرنے جائے وہ وہاں بھیک نہ مانگے، ہمارے رویے متشدد ہو چکے ہیں۔

یہ بھی پڑھیں: 9 سالہ بچی کو زیادتی کے بعد قتل کرنے والے مجرم کو سزائے موت، آخری الفاظ کیا تھے اور آخری کھانا کیا کھایا؟

انتہا پسندی سے باہر آنے کی ضرورت

طاہر اشرفی کا کہنا تھا کہ مجموعی طور پر ہمیں انتہا پسندانہ رویے سے باہر آنا ہے، سعودی عرب ایک ملک کے لیے اپنا نظام نہیں بدل سکتا، حاجیوں کی سہولت کے لیے سعودی عرب نے 36 کمپنیاں بنائی ہیں۔

بہتر حجاز کی امید

چیئرمین علما کونسل کا مزید کہنا تھا کہ انشا اللہ اس سال کا حج گزشتہ سال کی نسبت حجاز کے لیے بہتر ہو گا، جس طرح قافلے حرمین شریفین جا رہے ہیں، انشا اللہ الاقصی بھی جائیں گے۔ پاکستان نہ کمزور ملک ہے اور نہ بے وسائل ملک ہے۔