ایک رن کے عوض آسٹریلین ٹیم نے 8 وکٹیں گنوادیں

آسٹریلیا کے ون ڈے کپ میں شاندار مقابلہ

کینبرا(ڈیلی پاکستان آن لائن) آسٹریلیا کے ون ڈے کپ میں مقامی ٹیموں کے درمیان میچ میں تسمانیہ نے ویسٹرن آسٹریلیا کی ٹیم کو ایک رن کے عوض 8 وکٹیں لیکر حیران کن شکست دے دی۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا؟

ویسٹرن آسٹریلیا کی ناکامی

پرتھ میں کھیلے گئے میچ میں ویسٹرن آسٹریلیا کی ٹیم کی پہلی وکٹ 10 جبکہ دوسری وکٹ 45 رنز پر گئی۔ اس کے بعد 52 پر تیسرے نقصان کے بعد 53 کے مجموعی سکور پر بیٹسمنوں کی پوری ٹیم پویلین لوٹ گئی۔

یہ بھی پڑھیں: اسلام آباد سیف سٹی پراجیکٹ کو ’’کیپٹل سمارٹ سٹی‘‘ میں تبدیل کرنے کا فیصلہ، وزیر داخلہ محسن نقوی نے 30 مئی کی ڈیڈ لائن دیدی

بیشتر کھلاڑیوں کی ناکامی

کیمرون بینکرافٹ، جوش انگلیس اور ایشٹن آگر جیسے اسٹار کھلاڑیوں کے باوجود، بیٹرز ناکامی کا شکار ہوئے۔ ویسٹرن آسٹریلیا نے محض 1 رن کے اضافے پر 8 وکٹیں گنوائیں، جو دیکھنے والوں کے لیے حیران کن تھا۔

یہ بھی پڑھیں: اے پی این ایس سندھ کا اجلاس، پی آئی ڈی کی جانب سے صوبے کے اخبارات کو نظر انداز کرنے پر اظہار تشویش

تسمانیہ کی فتح

ویسٹرن آسٹریلیا کے 6 کھلاڑی صفر پر پویلین لوٹے جبکہ تسمانیہ کے بولر بیو ویبسٹر نے ان میں سے اتنے ہی کھلاڑیوں کو میدان بدر کیا۔ ان کے ساتھی بلی اسٹین لیک نے بھی 3 وکٹیں حاصل کیں۔ تسمانیہ کی ٹیم نے ہدف 8.3 اوورز میں 3 وکٹوں کے نقصان پر حاصل کرلیا۔

ویسٹرن آسٹریلیا کی موجودہ پوزیشن

دوسری جانب، اس ہار کے بعد ویسٹرن آسٹریلیا کی ٹیم ڈومیسٹک ون ڈے کپ پوائنٹس میں آخری پوزیشن پر آ گئی ہے، جہاں انہیں 4 میچز میں صرف 1 فتح اور 3 شکستوں کا سامنا کرنا پڑا ہے۔