پاکستان سمیت دنیا بھر میں مقیم کشمیری آج یوم سیاہ منا رہے ہیں،کشمیر میں آج مکمل ہڑتال

یوم سیاہ کی تقریب

اسلام آباد(ڈیلی پاکستان آن لائن ) کنٹرول لائن کے دونوں جانب اور دنیا بھر میں مقیم کشمیری آج یوم سیاہ منا رہے ہیں تاکہ دنیا کو اپنی سرزمین پر بھارت کے ناجائز قبضے کو مسترد کرنے کا پیغام دیا جا سکے۔

یہ بھی پڑھیں: پی ٹی آئی کے احتجاج سے نمٹنے کے لیے اسلام آباد پولیس کے کتنے پیسے خرچ ہوئے؟

جموں و کشمیر میں ہڑتال

بھارت کے غیر قانونی زیر قبضہ جموں و کشمیر میں آج مکمل ہڑتال ہے۔ پاکستان اور دنیا بھر میں احتجاجی مارچ، ریلیاں اور سیمینار منعقد کئے جائیں گے۔

یہ بھی پڑھیں: طلبہ کی موجیں ، سکولوں میں چھٹیاں دینے کی تجویز آ گئی

آزاد کشمیر میں احتجاج

آزاد کشمیر میں 27 اکتوبر 1947 کو بھارتی فوج کے حملے اور بی جے پی کی زیر قیادت ہندوتوا حکومت کی طرف سے مقبوضہ کشمیر کی خصوصی حیثیت کی منسوخی کی مذمت کے لئے تمام اضلاع اور تحصیل ہیڈ کوارٹر میں احتجاجی مارچ، ریلیاں اور سیمینارز منعقد کئے جائیں گے۔

یہ بھی پڑھیں: پاکستان نے جنوبی افریقہ کو سیریز میں شکست دے کر تاریخ رقم کردی، اہم اعزاز حاصل کر لیا

مظفرآباد میں مظاہرہ

ریاستی دارالحکومت مظفرآباد میں کشمیر لبریشن کمیشن نے ایک احتجاجی مظاہرے کا اہتمام کیا ہے جس کے بعد ایک ریلی نکالی جائے گی۔

یہ بھی پڑھیں: شوگر کے مریضوں کے لیے خوشخبری، جدید طریقہ علاج

بھارت مخالف ریلیوں کا انعقاد

اسی طرح پاسبان حریت جموں و کشمیر، کشمیری مہاجرین، دیگر حریت تنظیموں اور سیاسی و مذہبی جماعتوں نے یوم سیاہ منانے کے لئے بھارت مخالف ریلیوں اور سیمینارز کا اہتمام کیا ہے۔

یہ بھی پڑھیں: بیٹی کے قتل کے الزام میں 21 سال قید کاٹے والے شخص کی سزائے موت ڈیڑھ گھنٹہ قبل مؤخر کر دی گئی

کشمیری قیادت کی درخواست

صدر آزاد جموں و کشمیر بیرسٹر سلطان محمود چودھری اور وزیر اعظم چودھری انوار الحق نے دنیا بھر کے کشمیریوں سے اپیل کی ہے کہ وہ بھارت کے خلاف اپنا احتجاج ریکارڈ کرائیں۔

تاریخی پس منظر

واضح رہے کہ 27 اکتوبر 1947 کو بھارتی فوجیوں نے تقسیم کے منصوبے کی کھلم کھلا خلاف ورزی کرتے ہوئے جموں و کشمیر پر حملہ کیا اور کشمیریوں کی مرضی کے خلاف خطے پر قبضہ کر لیا تھا۔