نازیبا ویڈیوز لیک ہونے سے بچانے کیلئے ایپ متعارف کروادی گئی

نئی ایپلی کیشن کی تقریب رونمائی

برلن (ڈیلی پاکستان آن لائن) مانع حمل مصنوعات بنانے والی جرمنی کی ایک کمپنی ”بلی بوائے“ نے ایک نئی ایپلی کیشن لانچ کی ہے، جس کا مقصد نجی لمحات کو واقعی ”نجی“ رکھنا ہے۔

یہ بھی پڑھیں: پی ٹی آئی کے چاہنے والے پاکستان کو تباہ کرنے کا کردار ادا کر رہے ہیں، تجزیہ کار افتخار احمد

خصوصیات اور مقصد

اس نئی ایپلی کیشن کا نام ”کیمڈوم“ رکھا گیا ہے، جو نجی لمحات کے دوران اسمارٹ فونز کے کیمروں اور مائیکروفون کو غیر فعال کرکے غیر مجاز ریکارڈنگ کو روک دیتی ہے۔

یہ نئی ایپلی کیشن نازیبا ویڈیوز وائرل ہونے کے ایک بڑھتے ہوئے رجحان پر قابو پانے کی کوشش کے طور پر لانچ کی گئی ہے اور ڈیجیٹل دنیا میں حساس ڈیٹا کی حفاظت کو یقینی بناتی ہے۔

یہ بھی پڑھیں: کویت نے پاکستان کیلئے تیل کریڈٹ سہولت میں 2 سال کیلئے توسیع کردی

بلی بوائے کا بیان

”بلی بوائے“ کی جانب سے جاری ایک بیان میں کہا گیا کہ ’اسمارٹ فون سے رضامندی کے بغیر تصاویر، ویڈیوز یا آڈیو لینا کبھی اتنا آسان نہیں تھا جتنا آج ہے، اس وجہ سے دنیا بھر کے نوجوانوں میں تشویشناک صورتحال پیدا ہوئی ہے۔ کیونکہ ایک بار مواد لیک ہوجائے تو یہ ایک وائرس کی طرح پھیل جاتا ہے جس سے اسے ٹریک کرنا ناممکن ہو جاتا ہے۔ اور متاثرین میں جذباتی پریشانی، ڈپریشن، نوکریوں کا نقصان اور یہاں تک کہ خودکشی کے خیالات بھی جنم لیتے ہیں‘۔

یہ بھی پڑھیں: پیٹرولیم مصنوعات مہنگی ہونے کے بعد ریلوے نے بھی کرائے بڑھا دیے

عالمی سطح پر دستیابی

اس ایپلی کیشن کو 30 ممالک میں لانچ کیا گیا ہے۔ ”کیم ڈوم“ قریبی سمارٹ فونز پر ریکارڈنگ کے فنکشنز کو بلاک کرنے کے لیے بلوٹوتھ ٹیکنالوجی کا استعمال کرتی ہے تاکہ یہ یقینی بنایا جا سکے کہ قریبی لمحات نجی رہیں۔

یہ بھی پڑھیں: پاکستان نے امریکی صدر ڈونلڈ ٹرمپ کو نوبیل پرائز 2026 کے لیے نامزد کرنے کی سفارش کر دی

استعمال کا طریقہ

صارفین ایپ کو ایک ورچوئل بٹن کے فوری سوائپ کے ساتھ چالو کرتے ہیں جو ان کے ڈیوائسز پر حفاظتی رکاوٹ کو متحرک کردیتی ہے۔

اگر کوئی ایپلی کیشن کی رکاوٹوں کو نظرانداز کرنے کی کوشش کرتا ہے تو کیم ڈوم فوری طور پر اس کا پتہ لگائے گی اور صارفین کو الرٹ کرنے کے لیے الارم بجائے گی اور سیکیورٹی کی ایک اضافی پرت شامل کی جائے گی۔