جعلی رسیدیں جاری کرنے پر ریسٹورنٹس سیل

ریجنل ٹیکس آفس کی کاروائی

اسلام آباد (ڈیلی پاکستان آن لائن) ریجنل ٹیکس آفس اسلام آباد نے جعلی رسیدیں جاری کرنے پر 2 ریسٹورنٹس سیل کردیے۔

یہ بھی پڑھیں: پاکستان اسٹاک ایکسچینج: مثبت رجحان، 617 پوائنٹس کا اضافہ

ایف بی آر کی رپورٹ

ایف بی آر کے مطابق پوائنٹ آف سیل ٹریکنگ سافٹ ویئر سے جعلی رسیدوں کی تصدیق ہوئی، دونوں ریسٹورنٹس کو سیل کر کے پانچ، پانچ لاکھ روپے جرمانہ کردیا گیا۔

یہ بھی پڑھیں: بھارت کے اپوزیشن لیڈر راہول گاندھی اور والدہ سونیا گاندھی پر منی لانڈرنگ کا الزام عائد، عدالت میں چارج شیٹ پیش

نئی انعامی اسکیم کا آغاز

ایف بی آر کا کہنا ہے کہ 25 اکتوبر سے پوائنٹ آف سیل انعامی اسکیم شروع ہوچکی ہے۔ پہلے مرحلے میں اسکیم اسلام آباد میں ریسٹورنٹس اور ریٹیلرز کے لیے متعارف کرائی گئی ہے، اسکیم کو اگلے ماہ سے پورے ملک تک توسیع دی جائے گی۔

انعامات کا اعلان

ایف بی آر کے مطابق جعلی رسیدوں کے بارے میں ایف بی آر کو مطلع کرنے والوں کو انعامات دیے جائیں گے۔ ایف بی آر صارفین کے بینک اکاؤنٹس میں نقد انعامات براہ راست منتقل کرےگا، یہ اہم اقدام جعلی رسیدوں کے رجحان کو روکنے کے لیے کیا گیا ہے۔