پی ایچ اے نے مال روڈ کے باغات کو مغلیہ طرز پر ڈویلپ کرنا شروع کر دیا

پروگرام کی تفصیلات

لاہور (ڈیلی پاکستان آن لائن) پارکس اینڈ ہارٹی کلچر اتھارٹی لاہور نے مال روڈ کے 3 پارکس کو مغلیہ ہارٹی کلچر انداز میں ڈویلپ کرنا شروع کر دیا ہے۔ اس اقدام کا مقصد لاہور کے ہارٹی کلچرل ورثہ کی بحالی اور گرین کور کو بڑھانا ہے۔

یہ بھی پڑھیں: زیرِ زمین غیرقانونی سونے کی کانیں: یہ خطرناک کام ہے مگر 15 دنوں میں 1100 ڈالر اور سونے کا کچھ حصہ حاصل ہوتا ہے

باغ نور جہاں کا منصوبہ

ایک بیان میں ترجمان نے بتایا کہ نیلا گنبد سے انارکلی بازار تک پھیلے اس منصوبہ کو 'باغ نور جہاں' کا نام دیا گیا ہے جو فضاء سے مور کی طرز پر دکھائی دے گا۔ اس ماحول دوست منصوبے سے پرندوں کو نئے گھونسلے بنانے کا موقع ملے گا اور اہل علاقہ کو دلکش سرسبز ماحول میسر آئے گا۔

یہ بھی پڑھیں: اسرائیل ایران کشیدگی، پاکستان نے بھی اہم قدم اٹھا لیا

پودوں کی اقسام اور سہولیات

ترجمان نے بتایا کہ اس منصوبے کے تحت مقامی پھولوں و پودوں کی 80 سے زائد اقسام لگائی جائیں گی۔ اس کے ساتھ ساتھ 'باغ نور جہاں' میں پرندوں کے لیے برڈ باتھ کی سہولت بھی مہیا کی جائے گی۔

ماحول دوست اقدامات

ترجمان نے مزید بتایا کہ پی ایچ اے کے ماحول دوست منصوبوں سے بائیو ڈائیورسٹی کی بحالی کے ساتھ ساتھ پرندوں کے لیے موافق ماحول اور ہارٹی کلچرل حسن بڑھا ہے۔