مقدمات کی تفصیلات فراہمی کیس: پشاور ہائیکورٹ میں بشریٰ بی بی کی ضمانت منظور

پشاور ہائیکورٹ کا فیصلہ

پشاور (ڈیلی پاکستان آن لائن) پشاور ہائیکورٹ نے مقدمات کی تفصیلات فراہمی کیس میں بانی پی ٹی آئی کی اہلیہ بشریٰ بی بی کی ضمانت منظور کرلی۔ عدالت نے 14 روز تک کسی بھی مقدمے میں بشریٰ بی بی کو گرفتار نہ کرنے کا بھی حکم دیا۔

یہ بھی پڑھیں: شکریہ فیلڈ مارشل سید عاصم منیر۔۔۔ بھارت سے مایوس واپس آنے والے معصوم بچوں عبداللہ اور منساء کی کامیاب سرجری ہو گئی ( ویڈیو دیکھیں )

سماعت کی تفصیلات

نجی ٹی وی چینل دنیا نیوز کے مطابق مقدمات کی تفصیلات فراہمی کے کیس میں بشریٰ بی بی کی درخواست پر سماعت پشاور ہائیکورٹ کے جسٹس شکیل احمد اور جسٹس صاحبزادہ اسد اللہ نے کی۔ سینئر قانون دان قاضی انور ایڈووکیٹ عدالت میں پیش ہوئے جبکہ ایڈووکیٹ جنرل اور بشریٰ بی بی بھی عدالت میں موجود رہے۔

یہ بھی پڑھیں: پاکستان اسٹاک ایکسچینج میں ریکارڈ ساز تیزی جاری، انڈیکس نئی بلند ترین سطح پر

مقدمات کی تفصیلات

وکیل بشریٰ بی بی نے عدالت کو بتایا کہ چاروں صوبوں میں بشری بی بی کے خلاف مقدمات درج ہیں، جس پر عدالت نے استفسار کیا کہ خیبرپختونخوا میں تو کوئی مقدمہ درج نہیں ہوا ہوگا؟ ایف آئی اے، اینٹی کرپشن، نیب اور دیگر اداروں میں درج مقدمات کی تفصیلات فراہم کی جائے۔

یہ بھی پڑھیں: ویک اینڈ پر گھر جاتا امی جی میرے لئے تین چاربناؤ کھانے، فریج میں رکھوا دیتیں، یوں پردیس میں ہوتے بھی ماں کے ہاتھ کے بنے کھانوں کا لطف اٹھاتا

عدالت کا استفسار

عدالت نے وکیل سے استفسار کیا کہ کیا ہم بس بیل دے سکتے ہیں، دوسرے صوبوں کے لیے؟ جس پر وکیل بشریٰ بی بی نے کہا کہ اگر عدالت سے کوئی حفاظت مانگے تو عدالت ضمانت دے سکتا ہے۔ عدالت نے کہا کہ سمجھایا جائے کیا باقی صوبوں کے لیے عدالت ضمانت دے سکتی ہے؟ وکیل نے جواب دیا کہ آپ نے پنجاب، سندھ اور بلوچستان کے لوگوں کو راہداری ضمانت دی ہے۔

یہ بھی پڑھیں: 27 ویں ترمیم سے متعلق یواین ہائی کمشنر کے بیان پر پاکستان کا سخت ردعمل سامنے آگیا

راہداری ضمانت کی منظوری

عدالت نے بشری بی بی کی راہداری ضمانت منظور کرتے ہوئے متعلقہ حکام سے مقدمات کی تفصیلات مانگ لی۔ درخواست گزار کے خلاف درج کسی بھی مقدمے کی تفصیلات فراہم کی جائے۔ عدالت نے 14 روز تک کسی بھی مقدمے میں اہلیہ بانی پی ٹی آئی کو گرفتار نہ کرنے کا حکم دے دیا۔

بشریٰ بی بی کا فیصلہ

بعدازاں بشریٰ بی بی نے راہداری ضمانت کی درخواست واپس لینے کا فیصلہ کیا۔ ترجمان بشریٰ بی بی کا کہنا تھا کہ حفاظتی ضمانت ملنے کے بعد راہداری کی ضرورت نہیں، تمام مقدمات میں حفاظتی ضمانت مل چکی ہے۔ بشریٰ بی بی ضمانت ملنے کے بعد ہائیکورٹ سے روانہ ہوگئیں۔