انسانی حقوق تنظیموں سے اپیل ہے وہ اڈیالہ جیل کا دورہ کریں، زرتاج گل

راولپنڈی میں زرتاج گل کا بیان

راولپنڈی (ڈیلی پاکستان آن لائن) تحریک انصاف کی رہنما زر تاج گل نے کہا ہے کہ حکومت کو سب کا اسے حساب دیناپڑے گا۔ انسانی حقوق تنظیموں سے اپیل کی ہے کہ وہ اڈیالہ جیل کا دورہ کریں۔

یہ بھی پڑھیں: پاکستان اسٹاک ایکسچینج میں تیزی، انڈیکس میں 1100 پوائنٹس سے زائد اضافہ

اڈیالہ جیل کے باہر میڈیا سے گفتگو

اڈیالہ جیل کے باہر میڈیا سے گفتگو کرتے ہوئے زرتاج گل کا کہنا تھا کہ ہم سارے لوگ اپنے اپنے حلقوں سے ووٹ لے کر منتخب ہوکر آئے ہیں، ہمارے ساتھ قومی اسمبلی اور سینیٹ کے اپوزیشن لیڈرز موجود ہیں۔

ملاقاتوں پر پابندی کا ذکر

انہوں نے مزید کہا کہ ملاقاتوں پر پابندی ختم ہونے کے بعد اپنے لیڈر سے ملاقات کیلیے آئے تھے۔ ایک سیاسی جماعت کی قیادت کو کہا گیا کہ لکھ کر دے وہ اپنے لیڈر سے سیاسی بات نہیں کریں گے۔ عوام کو بحران سے صرف ایک ہی لیڈر نکال سکتا ہے، وہ بانی پی ٹی آئی ہے۔