ورلڈ سپر سکسز ٹورنامنٹ، پاکستان اور بھارت کے درمیان میچ کا فیصلہ ہو گیا

پاکستان کی جیت

ہانگ کانگ ورلڈ سپر سکسز ٹورنامنٹ میں پاکستان نے روایتی حریف بھارت کو یکطرفہ مقابلے کے بعد شکست سے دوچار کردیا۔

یہ بھی پڑھیں: ایران نے امریکہ کے ساتھ کسی بھی ڈیل کی صورت میں پاکستان سے ضمانت طلب کی ہے، ایرانی دانشور کا دعویٰ

میچ کی تفصیلات

مونگ کوک میں کھیلے گئے میچ میں پاکستان نے بھارت کو 6 وکٹوں سے شکست دیتے ہوئے ایونٹ میں مسلسل دوسری فتح سمیٹی۔ گرین شرٹس نے 120 رنز کا ہدف صرف 5 اوورز میں حاصل کیا۔

یہ بھی پڑھیں: خلیجی ممالک میں عید الفطر کی ممکنہ تاریخ سامنے آگئی

کھلاڑیوں کی کارکردگی

پاکستان کی جانب سے آصف علی نے 55 رنز کی شاندار اننگز کھیل کر ریٹائرڈ ہرٹ ہوئے۔ ان کے علاوہ محمد اخلاق نے 40 اور کپتان فہیم اشرف نے 22 رنز بنائے۔ بھارت کی جانب سے کوئی بھی بالر پاکستان کی ایک وکٹ بھی حاصل نہ کرسکا۔

یہ بھی پڑھیں: باغیوں کا دمشق پر قبضہ سیاسی زلزلے سے کم نہیں:ملیحہ لودھی

مقابلے کی شروعات

قبل ازیں ہانگ کانگ سپر سکسز کے گروپ مقابلے میں پاکستان نے ٹاس جیت کر پہلے فیلڈنگ کرنے کا فیصلہ کیا۔ بھارت نے مقررہ 6 اوورز میں 2 وکٹوں کے نقصان پر 119 رنز بنائے۔

یہ بھی پڑھیں: حتمی فتح کے بہت قریب ہیں، جلد از جلد آپ کے درمیان پہنچنا چاہتا ہوں تاکہ مل کر ایران کو واپس لے سکیں : رضا پہلوی

بھارت کی کارکردگی

بھارت کی جانب سے کپتان روبن اتھاپا نے 31، کیدار جادھو 8 رنز بنائے، جبکہ بھرت چپلی نے 53 رنز کی اننگز کھیل کر ریٹائرڈ ہرٹ ہوئے۔ منوج تیواری نے 17 رنز بناکر ناٹ آؤٹ رہے۔