نئے سینٹرل کنٹریکٹ کے بعد بابراعظم اور محمد رضوان کو فی میچ کتنے پیسے ملیں گے؟ حیران کن انکشاف

کراچی (ویب ڈیسک) نئے معاہدوں میں کھلاڑیوں کی میچ فیس اور ماہانہ تنخواہ تو برقرار ہے، البتہ آئی سی سی شیئر کی رقم میں تھوڑا اضافہ ہوگیا۔ بابر اعظم اور محمد رضوان ماہانہ 65 لاکھ 70 ہزار روپے وصول کریں گے، میچ فیس وغیرہ الگ ہے۔

یہ بھی پڑھیں: اسرائیلی حملوں کو کامیابی سے ناکام بنادیا، فوجی تنصیبات کو محدود نقصان پہنچا، ایرانی ایئرفورس

پی سی بی کا اعلان

نجی ٹی وی ایکسپریس نیوز کے مطابق، کافی تاخیر سے پی سی بی نے گذشتہ دنوں سینٹرل کنٹریکٹ پانے والے قومی کرکٹرز کا اعلان کیا۔ ان میں فخر زمان، امام الحق، سرفراز احمد و کئی دیگر اہم نام شامل نہیں ہیں۔ بورڈ نے آسٹریلیا روانگی سے قبل کھلاڑیوں سے معاہدے پر دستخط نہیں کرائے، البتہ ای میل پر منظوری لینے کا پلان ہے۔

یہ بھی پڑھیں: پی ٹی آئی رہنما اعظم سواتی 7 روزہ جسمانی ریمانڈ پر پولیس کے حوالے

نئے معاہدوں کی مالی تفصیلات

نئے معاہدوں میں کھلاڑیوں کی سابقہ میچ فیس اور ماہانہ تنخواہ تو برقرار رہی۔ البتہ گذشتہ برس ہی طے شدہ فارمولے کے تحت آئی سی سی شیئر کی رقم میں تھوڑا اضافہ ہوگیا۔ ٹیسٹ میچ کھیلنے کا معاوضہ 12 لاکھ 57 ہزار 795 ہے، ون ڈے انٹرنیشنل فیس 6 لاکھ 44 ہزار 620 جبکہ ٹی ٹوئنٹی فیس 4 لاکھ 18 ہزار 584 روپے ہے۔

یہ بھی پڑھیں: بیٹی کے قتل کے الزام میں 21 سال قید کاٹے والے شخص کی سزائے موت ڈیڑھ گھنٹہ قبل مؤخر کر دی گئی

اے کیٹیگری کے کھلاڑی

اے کیٹیگری میں شامل بابر اعظم اور محمد رضوان کو ماہانہ 45 لاکھ روپے کنٹریکٹ کے ملیں گے۔ 2024-25 کی آئی سی سی آمدنی کا 3 فیصد حصہ بڑھ کر 20 لاکھ 70 ہزار ماہانہ ہو گیا، پہلے 15 لاکھ 30 ہزار ملتے تھے۔ یوں رواں دورانیے میں ماہانہ 65 لاکھ 70 ہزار روپے ان کے اکاؤنٹ میں منتقل ہوتے رہیں گے۔

یہ بھی پڑھیں: کبھی اقرار کی صورت کبھی انکار کی صورت۔۔۔

بی کیٹیگری کے کھلاڑی

بی کیٹیگری میں موجود نسیم شاہ، شاہین شاہ آفریدی اور شان مسعود کی ماہانہ تنخواہ 30 لاکھ روپے ہے، اس میں آئی سی سی شیئر کے 15 لاکھ 52 ہزار 500 روپے جمع ہوں گے۔ سابقہ رقم 11 لاکھ 47 ہزار 500 تھی۔ یوں انھیں ماہانہ 45 لاکھ 52 ہزار 500 روپے ملیں گے۔

یہ بھی پڑھیں: کراچی:گھریلو ملازمہ مالکن کو بے ہوش کرکے لاکھوں روپے، ڈالر اور سونا لے اڑی

سی کیٹیگری کے کھلاڑی

سی کیٹیگری میں شامل عبداللہ شفیق، ابرار احمد، حارث رؤف، نعمان علی، صائم ایوب، ساجد خان، سلمان علی آغا، سعود شکیل اور شاداب خان کے 10 لاکھ روپے ماہانہ میں آئی سی سی کے 10 لاکھ 35 ہزار شامل ہوں گے۔ سابقہ رقم 7 لاکھ 65 ہزار تھی۔ یوں وہ ہر ماہ 20 لاکھ 35 ہزار روپے وصول کریں گے۔

ڈی کیٹیگری کے کھلاڑی

ڈی کیٹیگری میں جگہ پانے والے عامر جمال، حسیب اللہ، کامران غلام، خرّم شہزاد، میر حمزہ، محمد عباس آفریدی، محمد علی، محمد حریرہ، محمد عرفان خان، محمد وسیم جونیئر اور عثمان خان کی ماہانہ تنخواہ ساڑھے 7 لاکھ روپے ہے، اس میں آئی سی سی کے 5 لاکھ 17 ہزار 500 شامل ہوں گے۔

سابقہ رقم 3 لاکھ 82 ہزار 500 روپے تھی، یوں اب انھیں ماہانہ 12 لاکھ 67 ہزار 500 روپے دیے جائیں گے۔ سینٹرل کنٹریکٹ یافتہ کرکٹرز کو ڈومیسٹک میچز کھیلنے پر بھی خطیر معاوضہ مل رہا ہے، چار روزہ میچ کی فیس 6 لاکھ 28 ہزار 898، ون ڈے کی 3 لاکھ 22 ہزار 310، ٹی ٹوئنٹی کی 2 لاکھ 9 ہزار 292 ہے۔