لاہور سے شارجہ جانے والے مسافر سے 670 گرام ہیروئن بھرے کیپسولز برآمد

لاہور ائیرپورٹ پر منشیات کی بڑی برآمدگی

لاہور (ویب ڈیسک) لاہورائیرپورٹ پر شارجہ جانے والے مسافر سے 670 گرام ہیروئن بھرے کیپسولز برآمد کر لیے گئے۔

یہ بھی پڑھیں: پی ٹی آئی کے مظاہرے غیرمنظم، احتجاج کیلئے کوئی حکمت عملی ہی نہیں، شیر افضل کی قیادت پر تنقید

دیگر علاقوں سے منشیات کی تحقیقات

ترجمان اینٹی نارکوٹکس فورس (اے این ایف) کے مطابق راولپنڈی میں کورئیر کے آفس میں برطانیہ سے بھیجے گئے پارسل سے 4 گرام کوکین اور 10 گرام ویڈ جبکہ جی ٹی روڈ کے قریب ملزم سے 3 کلو 400 گرام چرس برآمد ہوئی۔

یہ بھی پڑھیں: 3سالہ بچی کا فضائی آلودگی پر قابو نہ پانے کیخلاف لاہور ہائیکورٹ سے رجوع

ملزمان کی گرفتاریاں

جھنگ میں بائی پاس چوک کے قریب دو ملزمان سے 14 کلو 400 گرام چرس برآمد کی گئی۔ اسلام آباد میں منڈی موڑ کے قریب ملزم سے 2 کلو 400 گرام چرس برآمد ہوئی جبکہ کوہاٹ روڈ پشاور سے 24 کلو چرس برآمد کی گئی۔ مین جی ٹی روڈ اٹک کے قریب دو ملزمان سے 650 گرام افیون اور طورخم بارڈر کے قریب افغان باشندے سے 115 گرام ہیروئن برآمد ہوئی۔

یہ بھی پڑھیں: امریکی صدارتی انتخابات، پنسلوینیا میں 4 ہزار اوور سیز کے ووٹ مسترد ہونے کا خدشہ پیدا ہوگیا کیونکہ ۔ ۔ .

مزید منشیات کی برآمدگی

مانسہرہ میں جدون ہوٹل کے قریب ملزم سے 100 گرام چرس، 40 گرام آئس اور 30 گرام نشہ آور گولیاں برآمد کی گئی۔

کارروائیاں اور مالی نقصانات

ترجمان اے این ایف کے مطابق مختلف کارروائیوں میں 9 ملزمان کو گرفتار کرکے 45 لاکھ روپے سے زائد کی منشیات برآمد کی گئیں۔ ملزمان کے خلاف انسداد منشیات ایکٹ کے تحت مقدمہ درج کرلیا گیا ہے۔