جامعہ دارالعلوم حقانیہ اکوڑہ خٹک میں “خدمات مولانا سمیع الحق شہیدکانفرنس” مولانا حامد الحق حقانی، سراج الحق اور دیگر کا خطاب

مولانا حامد الحق کا خطاب

اکوڑہ خٹک (ڈیلی پاکستان آن لائن) - جمعیت علمائے اسلام پاکستان (س) کے امیر دفاع پاکستان کونسل کے چیئرمین اور جامعہ دارالعلوم حقانیہ کے نائب مہتمم مولانا حامد الحق حقانی نے جامعہ دارالعلوم حقانیہ اکوڑہ خٹک میں عظیم الشان کانفرنس سے خطاب کرتے ہوئے مولانا سمیع الحق شہید کی خدمات کو خراج تحسین پیش کیا اور ان کی ملی، سیاسی، دینی، علمی، تصنیفی خدمات کو سراہا۔ انہوں نے عزم کا اظہار کیا کہ مولانا سمیع الحق کے دینی و سیاسی وژن کے مطابق اسلام کی سربلندی، شریعت کے نفاذ، استحکام و دفاع پاکستان اور دنیا بھر کے مظلوموں کی حمایت میں جدوجہد جاری رکھی جائے گی۔

یہ بھی پڑھیں: دھی رانی پروگرام کے تحت ریکارڈ اجتماعی شادیاں، 9 ماہ میں 66 تقریبات، 4857 جوڑے رشتۂ ازدواج میں منسلک ہوگئے

پاکستان کی سرحدوں کا دفاع

مولانا حامد الحق نے کہا کہ پاکستان کی نظریاتی اور جغرافیائی سرحدوں کی حفاظت میں کوئی کسر اٹھا نہیں رکھی جائے گی۔ ہم پاکستان کے امن اور سالمیت کے خاطر قربانیاں دے رہے ہیں۔ ہم علمائے حق کا خون رائیگاں نہیں جانے دیں گے۔ مولانا سمیع الحق نے ہمیشہ اسلام، علماء اور مدارس کی نمائندگی کا حق ادا کیا۔ اسی وجہ سے سامراجی قوتیں انہیں برداشت نہیں کر سکیں۔ انہوں نے اپنا سینہ چھلنی کروا دیا لیکن سامراج کے سامنے جھکے نہیں۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

مسلمانوں کا اتحاد

مولانا حامد الحق فلسطینی مسلمانوں پر ہونے والے مظالم کو ناقابل برداشت قرار دیتے ہوئے کہا کہ امت مسلمہ مظلوم فلسطینیوں کی حمایت کے لیے اٹھ کھڑی ہو۔

یہ بھی پڑھیں: بھارت میں مندر میں ریپ کے بعد قتل ہونے والی 100 سے زیادہ لڑکیوں کو دفن کرنے والا شخص گرفتار

اجتماع میں دیگر مقررین

اجتماع سے سابق امیر جماعت اسلامی سراج الحق نے خطاب کرتے ہوئے مولانا سمیع الحق شہید کی خدمات کو زبردست الفاظ میں خراج تحسین پیش کیا۔ انہوں نے کہا کہ مولانا سمیع الحق شہید ساری زندگی مظلوم مسلمانوں کی توانا آواز رہے اور اتحاد بین المسلمین کے داعی رہے۔

دارالعلوم حقانیہ کے مہتمم اور وفاق المدارس کے نائب صدر مولانا انوار الحق حقانی نے کہا کہ مولانا سمیع الحق شہید اپنی ذات میں ایک انجمن تھے، جنہوں نے ہمیشہ میرے ساتھ شفقت کا رویہ رکھا۔

یہ بھی پڑھیں: لاہور میں شوہر نے بیوی کو تشدد کر کے مار ڈالا

تحریک جوانان پاکستان کی رائے

تحریک جوانان پاکستان کے سربراہ عبداللہ حمید گل نے کہا کہ مولانا سمیع الحق شہید ایک بڑے عالم دین اور محدث ہونے کے ساتھ ساتھ ایک مدبر اور دوراندیش سیاستدان بھی تھے۔ ان کی قیادت میں دفاع پاکستان کونسل کی خدمات ناقابل فراموش ہیں۔

یہ بھی پڑھیں: مندر میں ہر طرف اندھیرا چھا گیا، کان پھاڑ دینے والی چیخ و پکار گونجنا شروع ہوگئی، بڑی دیوار پر کچھ سائے لہرائے پھر فرعونوں کے چہرے صاف نظر آنے لگے

اجتماع میں شریک اہم شخصیات

اجتماع میں افغان قونصلر جنرل حافظ محب اللہ، اہل سنت و الجماعت خیبر پختونخوا کے رہنما مفتی نجیب اللہ فاروقی، علامہ ڈاکٹر طاہر القادری کے ادارے منہاج القرآن کے نمائندے علامہ امداد اللہ، اور دیگر اہم شخصیات شریک ہوئیں۔ اجتماع سے جمعیت علمائے اسلام (س) کے تمام اضلاع کے اراکین نے بھی مولانا شہید کے مشن کو جاری رکھنے کا عزم کیا۔

مسلم حکمرانوں سے اپیل

مولانا حامد الحق حقانی نے تمام مسلم حکمرانوں اور امت مسلمہ سے اپیل کی کہ وہ مسئلہ فلسطین و کشمیر کے حق میں میدان میں نکلیں اور مظلوموں کا ساتھ دیں۔ انہوں نے کہا کہ اسرائیل کا مستقبل کا ٹارگٹ پاکستان ہے کیونکہ پاکستان ہمیشہ سے اسرائیل کی آنکھوں میں کھٹکتا رہا ہے۔

انہوں نے صوبائی اور مرکزی حکومتوں سے اپیل کی کہ وہ امن و امان کے قیام پر توجہ دیں، بالخصوص جنوبی اضلاع کے مسائل اہم ہیں۔ انہوں نے اس بات پر زور دیا کہ حکومت سود کے خاتمے میں سنجیدگی کا مظاہرہ کرتے ہوئے فوراً اس پر عمل درآمد کرائے۔