سپورٹس بورڈ پنجاب کے زیراہتمام کھیلتا پنجاب گیمز کے دلچسپ مقابلے جاری

کھیلتا پنجاب گیمز کا جاری سلسلہ

لاہور(سپورٹس رپورٹر) سپورٹس بورڈ پنجاب کے زیر اہتمام کھیلتا پنجاب گیمز لاہور ڈسٹرکٹ کے انٹرکلب ٹیب بال کرکٹ کے دلچسپ مقابلے منگل کے روز بھی جاری رہے ہیں۔ گاؤ شالہ کرکٹ گراؤنڈ میں کھیلے گئے میچز میں نوجوان کرکٹرز کی بڑی تعداد نے شرکت کی ہے، شائقین کرکٹ کھلاڑیوں کی شاندار بیٹنگ اور باؤلنگ سے محظوظ ہوئے۔ ڈی جی سپورٹس پنجاب خضر افضال نے اس حوالے سے کہا ہے کہ کھیلتا پنجاب گیمز کے ڈسٹرکٹ کی سطح پر بہترین مقابلے ہورہے ہیں جس سے گراس روٹ لیول سے نیا ٹیلنٹ سامنے آرہا ہے۔

یہ بھی پڑھیں: گلگت بلتستان میں باراتیوں کی بس دریا میں گرنے کا واقعہ کیسے پیش آیا؟ بس میں سوار دلہن نے بتا دیا

میچ کی تفصیلات

پہلے میچ میں طوفان الیون کرکٹ کلب نے وجاہت الیون کو 7 وکٹوں سے ہرادیا۔ طوفان الیون کی جانب سے علی نے 28 جبکہ وجاہت الیون کی جانب سے ریحان نے 27 رنز کی اننگز کھیلی۔

دوسرے میچ میں انوش الیون نے سبزہ زار بوائز کو 40 رنز سے شکست دے دی۔ انوش الیون کی جانب سے حسن نے 43 اور اسد نے 37 رنز کی شاندار اننگز کھیل کر جیت میں اہم کردار ادا کیا۔

تیسرے میچ میں لاہور فائٹرز کرکٹ کلب نے ایونجرز کرکٹ کلب کو 77 رنز سے ہرادیا۔ ایونجرز کرکٹ کلب کی ٹیم صرف 51 رنز پر محدود رہی۔ لاہور فائٹرز کی جانب سے احمد نے 78 اور ارسلان نے 45 رنز بنائے۔

چوتھے میچ میں باقا خان جیلانی کرکٹ کلب نے نیاز بیگ کرکٹ کلب کو 99 رنز سے شکست دے دی۔ باقا خان جیلانی کرکٹ کلب کی جانب سے امیر حامد اور فیضان نے بالترتیب 69 اور 68 کی اننگز کھیلی۔

پانچویں میچ میں انوش الیون نے اتفاق الیون کو 32 رنز سے شکست دے دی۔ انوش الیون کی جانب سے حسن نے 40 اور غضنفر 39 رنز بنائے۔