لاہور گیریژن پولو گراؤنڈ کے زیراہتمام 10واں بیٹل ایکس پولوکپ 2024ء شروع ہوگیا

10th Battle X Polo Cup 2024 Launches in Lahore

لاہور(سپورٹس رپورٹر) لاہور گیریژن پولو گراؤنڈ کے زیراہتمام10واں بیٹل ایکس پولوکپ2024ء پاکستان پارک میں شروع ہوگیا۔ پہلے روز دو میچز کھیلے گئے جن میں ایف جی /دین پولو اور پاک آرمی گرینز کی ٹیمیں فاتح رہیں۔

Spectators Turn Out in Numbers

اس موقع پر میچز دیکھنے کیلئے تماشائیوں اور فیملیز کی اچھی تعداد موجود تھی۔ اس موقع پر سیکرٹری لاہور گیریژن پولو گراؤنڈ میجر بابر محبوب (ر)، ممبرز اور کھلاڑیوں کی بڑی تعداد موجود تھی۔

Match Highlights

ایف جی /دین پولو اور آئی ایس پولو کی ٹیموں کے درمیان میچ کافی زبردست رہا جو ایف جی /دین پولو کی ٹیم نے 9-8 سے جیتا۔ ایف جی /دین کی طرف سے راجہ میکائل سمیع نے پانچ، جمی لی ہارڈی نے دو، فرہاد شیخ اور میاں عباس مختار نے ایک ایک گول سکور کیا۔ آئی ایس پولو کی طرف سے حمزہ مواز خان نے پانچ، بلال نون نے دو گول سکور کیے۔

Second Match Results

دوسرے میچ میں پاک آرمی گرین کی ٹیم نے امپریل پولو کی ٹیم کو 6-4 سے ہرا دیا۔ پاک آرمی گرین کی طرف سے انٹونیو ویری نے چار، حیدر گلریز اور علی قلی خان نے ایک ایک گول سکور کیا۔ امپریل کی طرف سے ثاقب خان خاکوانی نے تین اور اسجد ملہی نے ایک گول سکور کیا۔

Upcoming Matches

آج بروز بدھ چھ نومبر کو تین میچ جناح پول فیلڈز میں کھیلے جائیں گے۔ پہلا میچ ایک بجے ڈائمنڈ پینٹس اور ایف جی پولو کی ٹیموں کے درمیان، دوسرا میچ دو بجے ماسٹر پینٹس اور پاک آرمی ییلو کی ٹیموں کے درمیان جبکہ سہ پہر تین بجے نیوایج کیبلز کا مقابلہ ریجاس /باڑیز سے ہوگا۔